قازاقستاندىق عالىمدار التسگەيمەر جەنە پاركينسون اۋرۋلارىنا قارسى دەرٸ جاساپ جاتىر, دەپ حاباراليدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
قورقىت اتا اتىنداعى قىزىلوردا ۋنيۆەرسيتەتٸنٸڭ عالىمدارى ەۋروپالىق وداق گرانتىن جەڭٸپ الدى. ولار پورتۋگالييا, نيدەرلاندى, دانييا, رەسەي, بەلارۋس جەنە ۋكراينا عالىمدارىمەن بٸرلەسٸپ, ەزٸرلەۋشٸلەر توبىنا كٸردٸ.
دەرٸلٸك پرەپاراتتى دايىنداۋ ٷشٸن قازاقستاننىڭ وڭتٷستٸك ايماقتارىندا ٶسەتٸن تٷيە تٸكەنەگٸ پايدالانىلادى. وتاندىق زەرتتەۋشٸلەر ٶسٸمدٸكتەن اتەروسكلەروزدىڭ باستاپقى فورمالارىن ەمدەۋدە تيٸمدٸ بيولوگييالىق بەلسەندٸ زاتتاردى الدى.
«بٸز دەرٸلٸك ٶسٸمدٸك – تٷيە تٸكەنەگٸنە زەرتتەۋ جٷرگٸزۋ ٷشٸن بٸلٸم جەنە عىلىم مينيسترلٸگٸ عىلىم كوميتەتٸنٸڭ گرانتىن الدىق. سودان كەيٸن بٸز ونىڭ قۇندى قاسيەتتەرٸن انىقتادىق. بٸز ٶزٸمٸز اشقان جاڭالىقتى پورتۋگالييادا تانىستىردىق. ولار بٸزدٸڭ عىلىمي ەزٸرلەمەلەرٸمٸزگە قىزىعۋشىلىق تانىتىپ, ىنتىماقتاستىق ۇسىندى. جوبانى ورىنداۋ كەزٸندە فلاۆونويدتاردىڭ سۋدا ەريتٸن فورمالارىن الامىز, ولاردى كٶمٸرتەكتٸ نانوماتەريالدارمەن موديفيكاتسييالايمىز. شەتەلدٸك عالىمدار جەدەل تەست ٶتكٸزٸپ, بٸز انىقتاعان نانوماتەريالدار التسگەيمەر جەنە پاركينسون اۋرۋلارىنىڭ دامۋىنا كەدەرگٸ كەلتٸرەتٸنٸن جەنە پاتسيەنتتەردٸ اۋرۋدىڭ العاشقى كەزەڭدەرٸندە ەمدەۋگە كٶمەكتەسەتٸنٸن راستادى. سونىمەن قاتار تٷيە تٸكەنەگٸنەن الىنعان موديفيكاتسييالانعان بيولوگييالىق بەلسەندٸ زاتتاردىڭ جاناما ەسەرلەرٸ جوق جەنە ادام دەنساۋلىعى ٷشٸن قاۋٸپسٸز بولىپ تانىلدى», – دەدٸ قورقىت اتا اتىنداعى قىزىلوردا ۋنيۆەرسيتەتٸنٸڭ زەرتتەۋشٸ-پروفەسسورى نۇربول اپپازوۆ.
قىزىلوردالىق عالىمدار شەتەلدٸك ەرٸپتەستەرٸمەن بٸرگە بايقاۋعا قاتىسۋ ٷشٸن ٶتٸنٸش بەرٸپ, Horizon-2020 باعدارلاماسى بويىنشا ەۋروپالىق وداقتىڭ گرانتىن جەڭٸپ الدى. ەندٸ عىلىمي توپ كلينيكاعا دەيٸنگٸ جەنە كلينيكالىق زەرتتەۋلەر جٷرگٸزۋدٸ جوسپارلاپ وتىر.
قورقىت اتا اتىنداعى قىزىلوردا ۋنيۆەرسيتەتٸنٸڭ عالىمدارىندا باسقا دا كٶپتەگەن يننوۆاتسييالىق جوبالار بار, ولاردىڭ بٸر بٶلٸگٸ كوممەرتسييالاندىرىلعان. مەسەلەن, حيميك عالىم, پروفەسسور نۇربول اپپازوۆ قارا التىندى مۇناي شلامىنان ٶڭدەۋدٸڭ تيٸمدٸ ەدٸسٸن ويلاپ تاپتى. جوبا قۇمكٶلدٸڭ ٸرٸ مۇناي-گاز كەن ورىندارىنىڭ بٸرٸندە ەنگٸزٸلدٸ. قازاقستاندىق عالىمنىڭ جوباسى كٶپتەگەن شەتەلدٸك جوبالار اراسىنان توپ جارىپ, ەڭ ٷنەمدٸ جوبالاردىڭ بٸرٸ رەتٸندە تانىلدى.
عالىمداردىڭ كٷرٸش سابانىنان تسەلليۋلوزا الۋ جوباسى قاعاز ٶندٸرٸسٸندە قولدانىسقا ەنگٸزٸلدٸ. بۇرىن استىق جيناپ, ٶڭدەگەننەن كەيٸن مىڭداعان توننا كٷرٸش سابانى مەن قاۋىزى قولدانىلماي ٶرتەلەتٸن. عالىمداردىڭ جۇمىسىنىڭ ارقاسىندا ەكولوگيياعا تازا شەشٸم تابىلدى. قازٸر كٷرٸش سابانىنىڭ دەندەرٸ مەن قابىعىنان قاعاز, بەلسەندٸرٸلگەن كٶمٸر جەنە تىڭايتقىش – بيوچار جاسالادى.
سوڭعى ٷش جىلدا قىزىلوردالىق عالىمدار 60 بٸرەگەي عىلىمي ەزٸرلەمەنٸ پاتەنتتەدٸ. 10-نان استام يننوۆاتسييالىق جوبانى كوممەرتسييالاندىرۋ جوسپاردا بار.
