ەگٸس القاپتارىن قۇرعاقشىلىقتان ساقتاندىرعان شارۋاشىلىقتارعا 491 ميلليون تەڭگەنٸڭ ساقتاندىرۋ تٶلەمٸ بەرٸلدٸ. بۇل تۋرالى بٷگٸن «اۋىل شارۋاشىلىعىن قارجىلاي قولداۋ قورى» اق باسپاسٶز قىزمەتٸ حابارلادى.
باسپاسٶز مەلٸمەتتەرٸنە قاراعاندا, بيىل ٸسكە قوسىلعان جاڭا ساقتاندىرۋ جٷيەسٸ ٷيدەن شىقپاي-اق ساقتاندىرۋ شارتىن جاساسۋعا مٷمكٸندٸك بەردٸ. سونىمەن قاتار, ٶسٸمدٸك شارۋاشىلىعىمەن اينالىساتىن فەرمەرلەر مەملەكەتتٸك سۋبسيدييانىڭ كٶمەگٸ ارقىلى ساقتاندىرۋ شىعىندارىنىڭ جارتىسىن ٶتەپ الدى.
ايتا كەتەيٸك, بيىل جىل باسىنان بەرٸ اگروٶنەركەسٸپ كەشەنٸندە ەرٸكتٸ ساقتاندىرۋ جٷيەسٸ جۇمىس ٸستەي باستادى. بۇل جٷيەنٸڭ وپەراتورى – «قازاگرو» ۇبح-نٸڭ ەنشٸلەس كومپانيياسى - اۋىل شارۋاشىلىعىن قارجىلاي قولداۋ قورى.
ساقتاندىرۋ شارتىن جاساسۋدان باستاپ ساقتاندىرۋ جاعدايىن تٸركەۋگە دەيٸنگٸ پروتسەسس WWW.QOLDAU.KZ پلاتفورماسىنداعى «Agroinsurance» اقپاراتتىق سەرۆيسٸندە جٷزەگە اسىرىلادى.
اۋىل شارۋاشىلىعى تاۋارلارىن ٶندٸرۋشٸلەردٸ ىنتالاندىرۋ, تەۋەكەلدەردٸ ازايتۋ جەنە سالاعا ينۆەستورلار تارتۋ ٷشٸن ساقتاندىرۋ سىياقىلارىن سۋبسيدييالايتىن مەملەكەتتٸك قولداۋ قاراستىرىلعان. شارت جاساسقان سوڭ فەرمەر ساقتاندىرۋ سىياقىسى سوماسىنىڭ تەك 50%-ىن تٶلەيدٸ, قالعان بٶلٸگٸ مەملەكەتتٸك قولداۋ ەسەبٸنەن تٶلەنەدٸ.
توپىراقتاعى ىلعال دەڭگەيٸ سپۋتنيكتٸڭ كٶمەگٸمەن انىقتالىپ, مونيتورينگ اۆتوماتتى تٷردە جٷرگٸزٸلەدٸ. ساقتاندىرۋ جاعدايى تۋرالى حابارلاما فەرمەردٸڭ پلاتفورماداعى جەكە كابينەتٸنە كەلەدٸ. سودان كەيٸن ول ساقتاندىرۋ تٶلەمٸنە ٶتٸنٸش جٸبەرەدٸ.
«بيىل ماۋسىم ايىندا 60 شارۋاشىلىق ەگٸس القاپتارىن قۇرعاقشىلىقتان ساقتاندىردى. ساقتاندىرۋ سىياقىسى 199 ملن تەڭگەنٸ قۇرادى. ونىڭ جارتىسى مەملەكەتتٸك سۋبسيدييانىڭ كٶمەگٸمەن تٶلەندٸ. نەتيجەسٸندە 47 شارۋاشىلىق جالپى سوماسى 491 ملن تەڭگە بولاتىن ساقتاندىرۋ تٶلەمٸنە قول جەتكٸزدٸ», - دەيدٸ «اۋىل شارۋاشىلىعىن قارجىلاي قولداۋ قورى» اق cاقتاندىرۋ دەپارتامەنتٸنٸڭ ديرەكتورى ەسەل رامازانوۆا.
وسى جٷيەنٸڭ يگٸلٸگٸن كٶرگەندەردٸڭ بٸرٸ – ەگٸنشٸلٸكپەن اينالىساتىن قوجالىقتىڭ باسشىسى قانات ەلمۇحامەدوۆ. ول بيداي, ارپا, جٷگەرٸ, كٷنباعىس ٶسٸرەدٸ. اقمولا, قوستاناي, سولتٷستٸك قازاقستان وبلىستارىندا ەگٸستٸك القاپتارى بار. فەرمەر ەرٸكتٸ ساقتاندىرۋ جٷيەسٸ ٶتە ىڭعايلى ەكەنٸن ايتادى.
«بيىل 8 315 گەكتار جەرٸمٸزدٸ ساقتاندىردىق, 22,5 ميلليون تەڭگە تٶلەدٸك. ونىڭ جارتىسىن مەملەكەت سۋبسيدييالادى. بٸزدٸڭ ايماقتاردا 60 كٷنگە دەيٸن جاۋىن-شاشىن بولمادى. نەتيجەسٸندە, اقپاراتتىق جٷيە ارقىلى ٶتٸنٸش بەرٸپ, 86,5 ميلليون تەڭگە كٶلەمٸندە ٶتەماقى الدىق. ەرٸكتٸ ساقتاندىرۋ جٷيەسٸ ٶتە ىڭعايلى. بارلىق وپەراتسييا ونلاين فورماتتا ٶتەدٸ», - دەيدٸ شارۋا قوجالىعىنىڭ باسشىسى قانات ەلمۇحامەدوۆ.
ساقتاندىرۋ نارىعىن ودان ەرٸ دامىتا تٷسۋ ٷشٸن WWW.QOLDAU.KZ ەلەكتروندى پلاتفورماسىن جەتٸلدٸرٸپ, قىزمەت كٶرسەتۋ قولجەتٸمدٸلٸگٸن ارتتىرۋ جوسپارلانۋدا.
بارلىق تۋىنداعان سۇراقتار بويىنشا «اۋىل شارۋاشىلىعىن قارجىلاي قولداۋ قورى» اق-نا +7 701 543 3744 تەلەفون نٶمٸرٸ بويىنشا حابارلاسۋعا بولادى.
