بٷگٸن الماتى وبلىسىنىڭ قاپشاعاي گارنيزونىندا بۇۇ بٸتٸمگەرشٸلٸك ميسسيياسىنا قاتىسۋ ٷشٸن تٶرتٸنشٸ بٸتٸمگەرشٸلٸك روتاسىنىڭ ەسكەري قىزمەتشٸلەرٸن ليۆانعا جٶنەلتۋدٸڭ ەكٸنشٸ كەزەڭٸ ٶتتٸ, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
جوسپارعا سەيكەس روتاتسييالىق تەرتٸپپەن 60 بٸتٸمگەردەن تۇراتىن توپ «ليۆانداعى بۇۇ ۋاقىتشا كٷشتەرٸ» ميسسيياسىنىڭ قۇرامىندا قىزمەت ٶتكەرۋ ٷشٸن جٸبەرٸلدٸ. بۇل روتاتسييانىڭ ەرەكشەلٸگٸ – بٸتٸمگەرشٸلٸك ميسسيياسىنىڭ تاريحىندا العاش رەت قۇرامعا دەسانتتىق-شابۋىلداۋشى ەسكەرلەرٸنٸڭ عانا ەمەس, سونداي-اق ٶڭٸرلٸك قولباسشىلىقتاردىڭ دا ەسكەري قىزمەتشٸلەرٸ ەنگٸزٸلدٸ.
جالپى العاندا, تٶرتٸنشٸ قازاقستاندىق بٸتٸمگەرشٸلٸك روتاسىنىڭ قۇرامىنا 120 ەسكەري قىزمەتشٸ كٸرەدٸ. ەپيدەميولوگييالىق جاعدايدى ەسكەرە وتىرىپ, جەكە قۇرامنىڭ دەنساۋلىعىن ساقتاۋ ٷشٸن ەسكەري قىزمەتشٸلەردٸ جٸبەرۋ ەكٸ كەزەڭگە جوسپارلانىپ, تامىز ايىنىڭ باسىندا جەنە ورتاسىندا ٶتكٸزۋ تۋرالى شەشٸم قابىلداندى.
ليۆانعا كەلگەننەن كەيٸن قازاقستاندىق ەسكەري قىزمەتشٸلەر 2019 جىلعى قاراشادان باستاپ ميسسيياداعى ٷشٸنشٸ بٸتٸمگەرشٸلٸك روتاسىنداعى ەرٸپتەستەرٸن الماستىرادى. بٸتٸمگەرلەر جەرگٸلٸكتٸ جەردٸ پاترۋلدەۋ جٶنٸندەگٸ مٸندەتتەردٸ ورىنداپ, ازاماتتىق حالىققا كٶمەك كٶرسەتٸپ, باقىلاۋ بەكەتتەرٸن ۇيىمداستىرىپ, ميسسييا شتابىنىڭ باسقا دا ٸس-شارالارىنا قاتىساتىن بولادى. كٷن سايىن قازاقستاندىق جەنە ٷندٸ بٸتٸمگەرلەرٸ بٸرلەسٸپ 50-گە جۋىق مٸندەتتەردٸ ورىندايدى.
بارلىق ەسكەري قىزمەتشٸلەر بٸتٸمگەرشٸلٸك قىزمەتكە قاتىستى بٸرٸككەن ۇلتتار ۇيىمىنىڭ نەگٸزگٸ قۇجاتتارىنىڭ رەسٸمدەرٸ مەن نورمالارىنا سەيكەس مۇقييات ٸرٸكتەلٸپ, وقىتىلدى. تاپسىرمالاردى ورىنداۋ ٷشٸن جەكە قۇرامدى دايىنداۋ توعىز اي بويى الماتى وبلىسىنىڭ ن. تٸلەنديەۆ وقۋ ورتالىعى بازاسىندا كارانتيندٸك شارالاردى قاتاڭ ساقتاي وتىرىپ جٷرگٸزٸلدٸ.
ەستەرٸڭٸزگە سالا كەتەيٸك, قازاقستاننىڭ «ليۆانداعى بۇۇ ۋاقىتشا كٷشتەرٸ» بٸتٸمگەرشٸلٸك ميسسيياسىنا قاتىسۋى 2018 جىلدىڭ قازان ايىندا بۇۇ مانداتىنا سەيكەس ليۆاندا قازاقستاندىق جەنە ٷندٸ بٸتٸمگەرلەرٸن بٸرلەسٸپ ٶرٸستەتۋ تۋرالى مەموراندۋمعا قول قويىلعاننان كەيٸن باستالدى.
