فوتو: ۆيدەودان سكرين
مارعۇلان ۋنيۆەرسيتەتٸنٸڭ ارحەولوگتارى مەن ستۋدەنتتەرٸ پاۆلودار وبلىسىنىڭ باياناۋىل اۋدانىندا ساق دەۋٸرٸنە تيەسٸلٸ سيرەك كەزدەسەتٸن ەكٸ قولا پىشاق تاپتى. قۇندى جەدٸگەرلەر تورايعىر كٶلٸنٸڭ ماڭىنداعى ساق قورعانىندا جازعى دالالىق تەجٸريبە كەزٸندە انىقتالدى, دەپ حابارلايدى Ult.kz.
«بيىل بٸز «تورايعىر-6» اتتى بەلگٸلٸ ەسكەرتكٸشتە قازبا جۇمىستارىن جٷرگٸزٸپ, تاس تٶبەنٸڭ شىڭىن زەرتتەدٸك. نەتيجەسٸندە «تورايعىر-7» جاڭا قورعان انىقتالدى. ەكٸ قورعاندى قازۋ بارىسىندا بٸز ساق دەۋٸرٸنٸڭ ەرتە كەزەڭٸنە جاتاتىن قولا پىشاقتاردى تاپتىق», – دەدٸ مارعۇلان ۋنيۆەرسيتەتٸنٸڭ ارحەولوگييالىق قورلارىنىڭ باس ساقتاۋشىسى ەلەنا تۋشەۆا.
زەرتتەۋشٸلەردٸڭ ايتۋىنشا, بۇل پاۆلودار وبلىسىندا تابىلعان ەڭ كٶنە قولا بۇيىمداردىڭ بٸرٸ.
«پىشاقتار ەجەلگٸ تەحنولوگييا ەدٸسٸ ارقىلى قولادان قۇيىلعان. بٸراق ستيليستيكالىق جاعىنان ەرتە تەمٸر دەۋٸرٸنە جاتادى. بۇل ايماقتا دامىعان مەتاللۋرگييالىق تەحنولوگييالار مەن تۇراقتى مەدەني بايلانىستاردىڭ بولعانىن راستايدى», – دەدٸ ەلەنا تۋشەۆا.
سونداي-اق ارحەولوگتار بۇل جەردەن تاسمولا مەدەنيەتٸ ٶكٸلدەرٸنٸڭ قالدىقتارىن تاپقان.
«قاڭقا-سٷيەكتەر جاقسى ساقتالعان. بۇل جىنىس, جاس جەنە انتروپولوگييالىق سيپاتتامالاردى انىقتاۋعا مٷمكٸندٸك بەردٸ. ال تٶمەنگٸ قاباتتى تازارتقان كەزدە بٸز كٶنە اندرونوۆ مەدەنيەتٸنە جاتاتىن قابٸرلەرگە تاپ بولدىق», – دەدٸ «تاريح» باعدارلاماسىنىڭ ستۋدەنتٸ انگەلينا گريششەنكو.
ايتا كەتەيٸك, مارعۇلان ۋنيۆەرسيتەتٸ باياناۋىل ايماعىندا 10 جىلدان استام ۋاقىت بويى زەرتتەۋلەر جٷرگٸزٸپ كەلەدٸ. بٷگٸندە وقۋ ورداسى باياناۋىلداعى نەگٸزگٸ ارحەولوگييالىق ەسكەرتكٸشتەردٸڭ ساقتالۋىن قامتاماسىز ەتەدٸ.
