قازاقستاندىق 186 ەكسپورتەردٸڭ شىعىندارىنىڭ بٸر بٶلٸگٸن مەملەكەت جاۋىپ, وسى باعىتتا 4,7 ملرد تەڭگە بٶلگەن. بۇل تۋرالى وكق-دا ٶتكەن باسپاسٶز مەسليحاتىندا ساۋدا جەنە ينتەگراتسييا مينيسترٸ باقىت سۇلتانوۆ مەلٸم ەتتٸ, دەپ حابارلايدى قازاقپارات.
«شەتەلگە ٶنٸمٸن شىعاراتىن ەكسپورتەرلەردٸڭ شىعىندارىنىڭ بٸر بٶلٸگٸن جابۋ – جاڭادان قولعا الىنعان شارا. الايدا ول اسا قاجەتتٸلٸككە قولداۋ تەتٸگٸ ەكەنٸن اتاپ ٶتۋ كەرەك. بيىل ۆەدومستۆوارالىق كوميسسييانىڭ 14-ٸنشٸ رەت ٶتكٸزگەن وتىرىسىندا جالپى سوماسى 4,7 ملرد تەڭگە بولاتىن 186 ەكسپورتەردٸڭ ٶتٸنٸمٸ ماقۇلداندى», - دەدٸ باقىت سۇلتانوۆ.
مينيستر ٶز سٶزٸن ناقتى ساندارمەن شەگەلەي تٷستٸ. اتاپ ايتقاندا وتاندىق ٶڭدەلگەن تاۋارلاردى ٸلگەرٸلەتۋ بويىنشا 39 سۋبەكتٸنٸڭ جالپى 229,4 ملن تەڭگەلٸك 44 ٶتٸنٸمٸ, وتاندىق ٶڭدەلگەن تاۋارلاردى جەتكٸزۋ بويىنشا 182 سۋبەكتٸنٸڭ جالپى سوماسى 4 438,3 ملن تەڭگەلٸك 345 ٶتٸنٸمٸ ماقۇلدانعان. كٶبٸ تەمٸرجول ارقىلى تاۋاردى جەتكٸزۋ جاعىنان كٶمەك سۇراعان.
«2019 جىلى مەملەكەتتٸڭ بۇل قولداۋىن يندۋستريالدى-يننوۆاتسييالىق باعىتتاعى 139 سۋبەكت پايدالاندى (جالپى سوماسى 3,9 ملرد تەڭگە). شىعىندارىنىڭ بٸر بٶلٸگٸن جابۋ ارقىلى ەكسپورتەرلەر كەسٸپورىندارىنىڭ ٶنەركەسٸپتٸك ٶندٸرٸس كٶلەمٸن 9 پايىزعا, ال ەكسپورتتان تٷسكەن پايدانى 30 پايىزعا دەيٸن ارتتىرۋعا قول جەتكٸزدٸ», - دەدٸ باقىت سۇلتانوۆ.
