قازاقستاننىڭ اۆتوموبيل پاركٸ ەسكٸرٸپ بارادى. ەل اۋماعىندا جٷرگەن كٶلٸكتەردٸڭ 60 پايىزدان استامى 10 جىل بۇرىن شىعارىلعان, دەپ حابارلايدى "ۇلت اقپارات" Ranking.kz پورتالىنا سٸلتەمە جاساپ.
2019 جىلدىڭ شٸلدە ايىنىڭ سوڭىندا تٸركەلگەن جەڭٸل اۆتوكٶلٸكتەردٸڭ سانى 3,7 ميلليونعا جۋىقتادى. حالىقتا 3,5 ملن جەڭٸل كٶلٸك بار. ەل مٸنٸپ جٷرگەن جەڭٸل كٶلٸك سانىنىڭ جىلدىق ٶسٸمٸ 4 ٶڭٸردە عانا تٸركەلگەن. اتاپ ايتقاندا, نۇر-سۇلتان قالاسىندا - 2,6 پايىزعا ارتىپ, 265 مىڭ, الماتى وبلىسىندا - 1,2 پايىز كٶبەيٸپ, 489,3 مىڭ, جامبىل جەنە قىزىلوردا وبلىستارىندا - 0,1 پايىزعا ۇلعايىپ, تيٸسٸنشە 196,5 مىڭ جەنە 112,7 مىڭ كٶلٸكتٸ قۇرادى. ديپلوماتييالىق نٶمٸرٸ بار اۆتوموبيلدەردٸڭ سانى دا 17,7 پايىزعا ارتىپ, 29,1 مىڭعا جەتٸپ وتىر.
«3 جىلدان باستاپ 7 جىلعا دەيٸنگٸ ارالىقتا شىعارىلعان كٶلٸكتەردٸڭ سانى دا 18,2 پايىزعا ارتتى. ولاردىڭ جالپى ٷلەسٸ 12,6-دان 15,7 پايىزعا جەتٸپ وتىر. بارلىق تٸركەلگەن اۆتوموبيلدەردٸڭ ٷشتەن ەكٸسٸنە جۋىعى - 10 جىلدان استام ۋاقىت بۇرىن شىعارىلعان كٶلٸكتەر. ولاردىڭ سانى بٸر جىلدا 2,9 پايىزعا كەمٸگەنٸمەن, جالپى ٷلەسٸ 63-تەن 64,8 پايىزعا دەيٸن كٶبەيگەن. شىعارىلعانىنا 3 جىل تولماعان كٶلٸكتەردٸڭ سانى 25,9 پايىزعا قىسقارعان», - دەلٸنگەن تاراتىلعان اقپاراتتا.
ەسكٸ كٶلٸكتەر سانىنىڭ ارتۋىنا ەكٸنشٸ دەڭگەيلٸ بانكتەردٸڭ شىققانىنا 10 جىلدان اسىپ كەتكەن اۆتوموبيلدەردٸ ساتىپ الۋعا نەسيە بەرۋٸ سەبەپ بولىپ وتىر. ال وسىدان بٸرنەشە جىل بۇرىن بانكتەر زاۋىتتان شىققانىنا 7 جىلدان اسپاعان كٶلٸكتەردٸ عانا ساتىپ الۋعا نەسيە بەرەتٸن ەدٸ.
