قازاقستان اۋماعىندا قۇرىلعان بارلىق سايلاۋ ۋچاسكەسٸندە داۋىس بەرۋ جٷرٸپ جاتىر. بۇل تۋرالى قر ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ ايتتى, دەپ حابارلايدى قازاقپارات.
«دەپۋتاتتاردى سايلاۋ بويىنشا داۋىس بەرۋ قازاقستان رەسپۋبليكاسىنىڭ اۋماعىندا جەنە ودان تىسقارى جەردە قۇرىلعان 10 060 سايلاۋ ۋچاسكەسٸندە جٷرگٸزٸلٸپ جاتىر. سايلاۋ كوميسسييالارى داۋىس بەرۋ ورنى مەن ۋاقىتى تۋرالى دەر ۋاقىتىندا اقپارات بەردٸ. ەلوردا ۋاقىتىمەن ساعات 08.00-دە جاعداي بويىنشا ەلٸمٸزدەگٸ 9 994 سايلاۋ ۋچاسكەسٸندە جەنە شەت مەملەكەتتەردەگٸ قازاقستان ٶكٸلدٸكتەرٸ جانىنداعى 17 سايلاۋ ۋچاسكەسٸندە داۋىس بەرۋ باستالدى», - دەدٸ ول.
ونىڭ اتاپ ٶتۋٸنشە, شەت ەلدەردەگٸ 49 سايلاۋ ۋچاسكەسٸندە داۋىس بەرۋ ساعات بەلدەۋٸن ەسكەرە وتىرىپ جٷرگٸزٸلەدٸ.
«9 قاڭتار كٷنٸ جەرگٸلٸكتٸ ۋاقىت بويىنشا 18.00-دە ٶڭٸرلەردە داۋىس بەرۋ قۇقىعىنا ارنالعان ەسەپتەن شىعارۋ كۋەلٸكتەرٸن بەرۋ اياقتالدى. سايلاۋشىلاردىڭ جازباشا ٶتٸنٸشتەرٸ نەگٸزٸندە ۋچاسكەلٸك سايلاۋ كوميسسييالارى پارلامەنت مەجٸلٸسٸ دەپۋتاتتارىن سايلاۋدا داۋىس بەرۋ قۇقىعىنا ارنالعان 10 599 ەسەپتەن شىعارۋ كۋەلٸگٸن بەردٸ. وسى ەسەپتەن شىعارۋ كۋەلٸكتەرٸمەن ازاماتتار ٶزدەرٸ بارعان كەز كەلگەن جەردەگٸ ۋچاسكەدە داۋىس بەرە الادى. بارلىق دەڭگەيدەگٸ مەسليحات دەپۋتاتتارىن سايلاۋ بويىنشا 11 612 ەسەپتەن شىعارۋ كۋەلٸگٸ بەرٸلدٸ. جەرگٸلٸكتٸ اتقارۋشى ورگاندار مەن سايلاۋ كوميسسييالارى سايلاۋشىلار تٸزٸمٸنٸڭ تولىقتىلىعىن ەرٸ ناقتىلىعىن قامتاماسىز ەتۋدە ٷلكەن جۇمىس اتقاردى. داۋىس بەرۋ باستالعان كەزدە سايلاۋشىلاردىڭ تٸزٸمٸنە 11 915 903 سايلاۋشى قوسىلدى. ورتالىق سايلاۋ كوميسسيياسى ەربٸر ەكٸ ساعاتتا ٶتەتٸن بريفينگ بارىسىندا سايلاۋشىلاردىڭ كەلۋٸ تۋرالى اقپارات ۇسىناتىن بولادى», - دەدٸ كونستانتين پەتروۆ.
