فوتو: lubimec.kz
ەلٸمٸزدەگٸ بالالار حيرۋرگيياسىنىڭ نەگٸزٸن قالاۋشى, اكادەميك, مەملەكەتتٸك سىيلىقتىڭ لاۋرەاتى كامال ورمانتاەۆ 88 جاسقا قاراعان شاعىندا ٶمٸردەن وزدى. بۇل تۋرالى س.ج.اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ باسپاسٶز قىزمەتٸ حابارلادى.
قازاقستاننىڭ بالالار حيرۋرگيياسى, پەدياترييا, تراۆماتولوگييا مەن انەستەزيولوگيياسىنىڭ نەگٸزٸن قالاۋشى كامال ورمانتاەۆ 1936 جىلى 11 قىركٷيەكتە قىزىلوردا وبلىسىنىڭ قارماقشى اۋدانىندا دٷنيەگە كەلگەن.
جوعارى بٸلٸكتٸ بالالار حيرۋرگٸ كامال ورمانتاەۆ كٶكٸرەك قۋىسى, ٶكپە, ٶڭەش, قۇرساۇ قۋىسى, باس سٷيەك پەن بٷيرەك مٷشەلەرٸنە جيىرما تٶرت مىڭعا جۋىق كٷردەلٸ وتا جاساعان.
كامال ورمانتاەۆ 1953 جىلى الماتى مەملەكەتتٸك مەديتسينا ينستيتۋتىنىڭ پەدياترييا فاكۋلتەتٸنە تٷسەدٸ. 1959 جىلى الماتى مەملەكەتتٸك مەديتسينا ينستيتۋتىنىڭ بالالار حيرۋرگيياسى كافەدراسىنىڭ كلينيكالىق ورديناتۋراعا تٷسٸپ, 1961 جىلى كلينيكالىق ورديناتۋرانى جەنە 1965 جىلى كانديداتتىق ديسسەرتاتسييانى قورعاپ گوسپيتالدٸك حيرۋرگييا كافەدراسىنىڭ اسپيرانتۋراسىن تەمامدايدى. سودان سوڭ كامال سەرۋارۇلى جوعارى وقۋ ورنىندا بالالار حيرۋرگيياسى كافەدراسىنىڭ اسسيستەنتٸ بولىپ ەڭبەك جولىن باستايدى.
1971 جىلى كسرو معا پەدياترييا عىلىمي-زەرتتەۋ ينستيتۋتىندا دوكتورانتۋرانى بٸتٸرگەننەن سوڭ دوكتورلىق ديسسەرتاتسييانى قورعاپ, وعان پروفەسسور اتاعى بەرٸلدٸ.
1968 جىلدان باستاپ 2012 جىلعا دەيٸن كامال سەرۋارۇلى ورمانتاەۆ بالالار حيرۋرگيياسى كافەدراسىن باسقاردى. كافەدرانى باسقارعان 43 جىلدىڭ ٸشٸندە بٸلٸكتٸ ۇستازدىڭ قولىنان 1500-نان استام دەرٸگەر بولاشاققا جولداما الىپ, كٶبٸسٸ وبلىسارالىق بالالار حيرۋرگيياسى بويىنشا ۇلتتىق ورتالىقتاردىڭ جەتەكشٸلەرٸ, كافەدرا مەڭگەرۋشٸلەرٸ اتاندى. اكادەميك كامال ورمانتاەۆ جوعارى بٸلٸكتٸ ماماندار دايىنداۋدا حيرۋرگتاردىڭ كەسٸبي جان-جاقتى دامۋىن, عىلىمنىڭ دامۋىنا جەنە ونىڭ حالىقارالىق دەڭگەيگە كٶتەرٸلۋٸنە ٷلكەن كٶڭٸل بٶلدٸ.
كامال ورمانتاەۆ 320-دان اسا عىلىمي جۇمىستاردىڭ, بالالار حيرۋرگيياسى بويىنشا كەڭەستٸك نۇسقاۋلارداعى 9 تاراۋدىڭ جەنە 9 مونوگرافييانىع اۆتورى.
دەرٸگەر II دەرەجەلٸ «دوستىق», III دەرەجەلٸ «بارىس» جەنە «پاراسات» وردەندەرٸمەن ماراپاتتالعان.
