اعا لەيتەنانت اردانا بوتاي سۋ-30سم كٶپفۋنكتسيونالدى جويعىشىنىڭ ەكيپاج كومانديرٸ رەتٸندە العاشقى جەكە ۇشۋىن ورىندادى, دەپ حابارلايدى قر قم باسپاسٶز قىزمەتٸ.
قر قك ەۋە قورعانىسى كٷشتەرٸنٸڭ باس قولباسشىسى اۆياتسييا گەنەرال-لەيتەنانتى نۇرلان ورمانبەتوۆ دەربەس ۇشۋعا رۇقسات بەرەتٸن پراكتيكالىق ەمتيحاندى قابىلدادى.
- قازاقستان رەسپۋبليكاسى قارۋلى كٷشتەرٸنٸڭ تاريحىندا سۋ-30سم جاۋىنگەرلٸك ۇشاعىندا ەكيپاج كومانديرٸ رەتٸندە دەربەس ۇشۋدى العاش رەت ەيەل ادام ورىندادى. ونىڭ بۇعان جاقسى دايىندالعانىن, كٶك اسپاندى باعىندىرۋعا دەگەن ۇمتىلىسىن, جويعىش ۇشقىش رەتٸندە مەملەكەتٸمٸزدٸڭ ەۋە شەبٸن كٷزەتۋدەگٸ مٸندەتتەردٸ ورىنداپ جٷرگەنٸن اتاپ ٶتكەن جٶن. ول جاۋىنگەرلٸك اۆياتسيياداعى ەيەلدەردٸڭ ەرلەرمەن تەڭ دەرەجەدە كٷردەلٸ مٸندەتتەردٸ ورىنداي الاتىنىن دەلەلدەدٸ, - دەدٸ اۆياتسييا گەنەرال-لەيتەنانتى نۇرلان ورمانبەتوۆ.
قازاقستانداعى ەسكەري اۆياتسييانىڭ جالعىز ەيەل ۇشقىشى قاراعاندى اۆيابازاسىندا قىزمەت ەتەدٸ. بٸرنەشە اي بويى اردانا تالدىقورعان قالاسىنداعى اۆياتسييا بازاسىندا ارنايى وقۋدان ٶتتٸ.
- سۋ-30سم ۇشاعىمەن جەكە ۇشۋ مەن ٷشٸن كەسٸبي تۇرعىدا قالىپتاسۋعا جاساعان ٷلكەن قادام. الداعى ماقساتىم تەحنيكانى جاقسارتۋ جەنە جەر ٷستٸندەگٸ, ەۋەدەگٸ ماقساتتارعا جەنە توپتىق ۇشۋلارعا جاۋىنگەرلٸك قولدانۋعا رۇقسات الۋ ٷشٸن ەرٸ قاراي دايارلىق باعدارلاماسىنا ماشىقتانۋ داعدىلارىن پىسىقتاۋ, - دەپ اردانا بوتاي بولاشاققا ارنالعان جوسپارلارىمەن بٶلٸستٸ.
اتالعان سۋ-30سم – كٶپفۋنكتسيونالدى 4++ بۋىندى جويعىش ۇشاق. ول كەز-كەلگەن اۋا-رايى جاعدايىندا, كٷندٸز-تٷنٸ ەرەكەت ەتۋگە قابٸلەتتٸ. ەۋە بارلاۋىن جٷرگٸزۋگە, ەۋەدە, جەر ٷستٸندە جەنە تەڭٸزدە نىسانداردى جويۋعا ارنالعان.
جوعارى مانەۆرلٸ جويعىش ۇشاقپەن ۇشۋعا رۇقسات الۋ ٷشٸن بٸرنەشە اي بويى تەورييالىق بٸلٸم الىپ, ارنايى سۋ-30سم ترەناجەرىندا جاتتىعادى, شتۋرمان رەتٸندە ۇشادى. كٶپتەگەن سىناقتار مەن ەمتيحانداردى سەتتٸ تاپسىرعان سوڭ عانا, تەۋەلسٸز ۇشۋعا رۇقسات الادى.
