ەلٸمٸزدە جىل سايىن 150 ادامنىڭ جٷرەگٸن ترانسپلانتانتسييالاۋ قاجەت. بۇل تۋرالى قر ۇلتتىق عىلىمي كارديوحيرۋرگييا ورتالىعىنىڭ باسقارما تٶراعاسى يۋريي پيا مەلٸم ەتتٸ, دەپ حابارلايدى قازاقپارات.
«مەن دەرٸگەرمٸن, سوندىقتان ەلٸمٸزدەگٸ جٷرەك دونورلىعى جاعدايىنا قاتىستى تٷسٸنٸكتەمە بەرگەنٸم جٶن دە ەمەس شىعار. دەگەنمەن مەسەلە بار. جىل سايىنعى بٸز جاسايتىن وتانىڭ سانى مەن وعان دونور تابۋ بويىنشا ايتار بولسام, جاعداي كٷردەلٸ. دونور تابۋ قيىن. ەرينە, دونور بولۋ ول ادامنىڭ ەركٸمەن جٷزەگە اساتىن دٷنيە. سوندىقتان دا بۇل جاعدايعا قاتىستى بٸرەۋدٸ كٸنەلاۋعا بولمايدى. ونىڭ ٷستٸنە بٸزدٸڭ حالىقتىڭ مەنتاليتەتٸ باسقا, مىسالى دامىعان ەلدەردە دونور بولۋ قالىپتى جاعداي جەنە ول جولعا قويىلعان. تاعى بٸر مەسەلە ەلٸمٸزدە دونورلىققا قاتىستى اقپاراتتاندىرۋ جاعى ازدىق ەتەدٸ. ياعني قاراپايىم حالىقتىڭ كٶپ جايتتان حابارى بولماي جاتادى. ايتالىق, ادام كەزدەيسوق جايتتان قايتىس بولدى, ونىڭ جاقىندارى مٷردەنٸ دونورلىققا بەرگٸسٸ كەلمەيدٸ. ال ونىڭ جٷرەگٸ نەمەسە باسقا دەنە مٷشەسٸ مىنا جاقتا بٸرەۋگە اۋاداي قاجەت بولىپ جاتادى», - دەدٸ يۋريي پيا.
ونىڭ ايتۋىنشا, ەلٸمٸزدە دونور بولۋ قايىرىمدىلىق ٸسٸنە مەملەكەتپەن قاتار قوعام دا بەلسەندٸلٸك تانىتۋ كەرەك.
«جٷرەك دونورلىعى باتىس ەلدەرٸندە جاقسى دامىعان. مىسالى, 10 ملن عانا حالقى بار چەحييادا جىلىنا 120-دان استام جٷرەك اۋىستىرۋ وتاسى جاسالادى. ال بٸزدٸڭ ورتالىقتا 9 جىلدىڭ ٸشٸندە 84 جٷرەكتٸ ترانسپلانتاتسييالاۋ وتاسى جاسالدى. ودان ەرٸ ٶزٸڭٸز باعامداي بەرٸڭٸز. ونىڭ ٷستٸنە بٸزدٸڭ مەكەمە ەلٸمٸز بويىنشا جالعىز ورتالىق. قازاقستاندا جىل سايىن 150 ادامعا جٷرەك ترانسپلانتانتسيياسى قاجەت», - دەيدٸ ول.
بۇعان دەيٸن حابارلاعانىمىزداي, بٷگٸن ەلوردادا جٷرەك دونورلارىنىڭ قۇرمەتٸنە ارنالىپ ارت-نىسان اشىلدى.
