Elimizde jyl saiyn 150 adamnyń júregin transplantantsiialaý qajet. Bul týraly QR Ulttyq ǵylymi kardiohirýrgiia ortalyǵynyń basqarma tóraǵasy Iýrii Pia málim etti, dep habarlaidy QazAqparat.
«Men dárigermin, sondyqtan elimizdegi júrek donorlyǵy jaǵdaiyna qatysty túsinikteme bergenim jón de emes shyǵar. Degenmen másele bar. Jyl saiynǵy biz jasaityn otanyń sany men oǵan donor tabý boiynsha aitar bolsam, jaǵdai kúrdeli. Donor tabý qiyn. Árine, donor bolý ol adamnyń erkimen júzege asatyn dúnie. Sondyqtan da bul jaǵdaiǵa qatysty bireýdi kinálaýǵa bolmaidy. Onyń ústine bizdiń halyqtyń mentaliteti basqa, mysaly damyǵan elderde donor bolý qalypty jaǵdai jáne ol jolǵa qoiylǵan. Taǵy bir másele elimizde donorlyqqa qatysty aqparattandyrý jaǵy azdyq etedi. Iaǵni qarapaiym halyqtyń kóp jaittan habary bolmai jatady. Aitalyq, adam kezdeisoq jaittan qaitys boldy, onyń jaqyndary múrdeni donorlyqqa bergisi kelmeidi. Al onyń júregi nemese basqa dene múshesi myna jaqta bireýge aýadai qajet bolyp jatady», - dedi Iýrii Pia.
Onyń aitýynsha, elimizde donor bolý qaiyrymdylyq isine memleketpen qatar qoǵam da belsendilik tanytý kerek.
«Júrek donorlyǵy batys elderinde jaqsy damyǵan. Mysaly, 10 mln ǵana halqy bar Chehiiada jylyna 120-dan astam júrek aýystyrý otasy jasalady. Al bizdiń ortalyqta 9 jyldyń ishinde 84 júrekti transplantatsiialaý otasy jasaldy. Odan ári ózińiz baǵamdai berińiz. Onyń ústine bizdiń mekeme elimiz boiynsha jalǵyz ortalyq. Qazaqstanda jyl saiyn 150 adamǵa júrek transplantantsiiasy qajet», - deidi ol.
Buǵan deiin habarlaǵanymyzdai, búgin elordada júrek donorlarynyń qurmetine arnalyp art-nysan ashyldy.
