جىل باسىنان بەرٸ 312 ادامنىڭ اجالى سۋدان كەلگەن. ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆ ورتالىق كوممۋنيكاتسييالار قىزمەتٸندە وسىنداي قايعىلى ستاتيستيكا كەلتٸردٸ, حابارلايدى قازاقپارات.
تجم ٶكٸلٸنٸڭ ايتۋىنشا, بيىل سۋ ايدىندارىندا 214 ادام, ونىڭ ٸشٸندە 43 بالا قۇتقارىلعان. سول قۇتقارىلعانداردىڭ ٸشٸندە 41 ادام بەلگٸلەنبەگەن ورىنداردا شومىلۋ كەزٸندە قاۋٸپكە تاپ بولعان.
«27 شٸلدەدەگٸ جاعداي بويىنشا بيىل سۋ ايدىندارىندا 312 ادام ٶلٸمٸ تٸركەلدٸ. ونىڭ ٸشٸندە –109 بالا. 2020 جىلدىڭ وسى كەزەڭٸندە سۋعا كەتكەندەردٸڭ سانى 296, ونىڭ 83-ٸ بالا بولعان ەدٸ. دەمەك, جىل باسىنان بەرٸ ادام ٶلٸمٸ 5% ٶستٸ. ال بالا ٶلٸمٸ تٸپتٸ 31% جيٸلەگەن», - دەدٸ باۋىرجان سىزدىقوۆ.
ونىڭ ايتۋىنشا, اتالعان 312 قايعىلى وقيعانىڭ 233-ٸ شومىلۋ ماۋسىمى باستالعاننان بەرٸ تٸركەلگەن. ونىڭ ٸشٸندە 70 بالا سۋعا باتقان.
«شومىلۋ ماۋسىمىندا ادامداردىڭ قازا بولۋى 2020 جىلدىڭ ۇقساس كەزەڭٸمەن سالىستىرعاندا 18% ۇلعايدى, بالالاردىڭ قازا بولۋى 21% ارتتى», - دەدٸ ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى.
