Jyl basynan beri 312 adamnyń ajaly sýdan kelgen. Azamattyq qorǵanys jáne áskeri bólimder komitetiniń tóraǵasy Baýyrjan Syzdyqov ortalyq kommýnikatsiialar qyzmetinde osyndai qaiǵyly statistika keltirdi, habarlaidy QazAqparat.
TJM ókiliniń aitýynsha, biyl sý aidyndarynda 214 adam, onyń ishinde 43 bala qutqarylǵan. Sol qutqarylǵandardyń ishinde 41 adam belgilenbegen oryndarda shomylý kezinde qaýipke tap bolǵan.
«27 shildedegi jaǵdai boiynsha biyl sý aidyndarynda 312 adam ólimi tirkeldi. Onyń ishinde –109 bala. 2020 jyldyń osy kezeńinde sýǵa ketkenderdiń sany 296, onyń 83-i bala bolǵan edi. Demek, jyl basynan beri adam ólimi 5% ósti. Al bala ólimi tipti 31% jiilegen», - dedi Baýyrjan Syzdyqov.
Onyń aitýynsha, atalǵan 312 qaiǵyly oqiǵanyń 233-i shomylý maýsymy bastalǵannan beri tirkelgen. Onyń ishinde 70 bala sýǵa batqan.
«Shomylý maýsymynda adamdardyń qaza bolýy 2020 jyldyń uqsas kezeńimen salystyrǵanda 18% ulǵaidy, balalardyń qaza bolýy 21% artty», - dedi Azamattyq qorǵanys jáne áskeri bólimder komitetiniń tóraǵasy.
