قر ٸٸم ەكٸمشٸلٸك پوليتسييا كوميتەتٸنٸڭ بٶلٸم باستىعى نۇرسەيٸت ەبٸشەۆ ەكٸمشٸلٸك قۇقىقبۇزۋشىلىق تۋرالى كودەكسكە ەنگٸزٸلگەن ٶزگەرٸستەرگە سەيكەس, قانداي ايىپپۇلداردىڭ مٶلشەرٸ ازايعانىن اتادى, دەپ حابارلايدى "ۇلت اقپارات".
«2017 جىلى 28 جەلتوقساندا ەلباسى قازاقستان رەسپۋبليكاسىنىڭ ەكٸمشٸلٸك قۇقىقبۇزۋشىلىق تۋرالى كودەكسٸنە ٶزگەرٸستەر ەنگٸزۋ تۋرالى زاڭىنا قول قويدى. زاڭ رەسمي تٷردە جارييالانعان كٷننەن باستاپ, 10 كٷننەن كەيٸن كٷشٸنە ەنەدٸ. ەكٸمشٸلٸك قۇقىقبۇزۋشىلىق كودەكسٸنە ەنگٸزٸلگەن ەرەجەلەرگە سەيكەس, جول ەرەجەلەرٸنٸڭ بۇزىلۋىنا قاتىستى ايىپپۇلدىڭ 22 تٷرٸ ازايتىلدى», - دەيدٸ نۇرسەيٸت ەبٸشەۆ استانادا ٶتكەن باسپاسٶز مەسليحاتى بارىسىندا.
قر ٸٸم ٶكٸلٸنٸڭ ايتۋىنا قاراعاندا, بەلگٸلٸ بٸر شەكتٸ جىلدامدىقتى 10-نان 20 شاقىرىمعا اسىرعان جاعدايدا ايىپپۇل مٶلشەرٸ قازٸر 10 اەك بولسا, بۇدان بىلاي 5 اەك-كە ازايادى.
«سونىمەن قاتار, مٷگەدەكتەردٸڭ كٶلٸكتەرٸن قويۋعا ارنالعان ورىنعا باسقا جٷرگٸزۋشٸلەر كٶلٸكتەرٸن قويعان جاعدايدا قازٸرگٸ ايىپپۇل 50 اەك بولسا, ونىڭ مٶلشەرٸ زاڭعا ەنگٸزٸلگەن ٶزگەرٸستەرگە سەيكەس 10%-عا ازايادى. سونىمەن قاتار, ٸشكٸ ٸستەر ورگاندارى توقتاۋ تۋرالى بەلگٸ بەرگەندە, جول ساقشىسىنىڭ زاڭدى تالابىنا باعىنباعان جاعدايدا جٷرگٸزۋشٸلەرگە قازٸرگٸ كەزدە 1 جىلعا دەيٸن كٶلٸك قۇرالدارىن باسقارۋ قۇقىعىن ايىرىلادى. ال اتالعان زاڭمەن وسى جازانى 6 ايعا دەيٸن قىسقارتۋ كٶزدەلگەن», - دەيدٸ ول.
نۇرسەيٸت ەبٸشەۆ سونىمەن بٸرگە, جولدىڭ قارسى بەتٸنە شىعىپ كەتكەن جاعدايدا قازٸرگٸ كەزدە ەكٸمشٸلٸك قۇقىقبۇزۋشىلىق تۋرالى كودەكس بويىنشا 1 جىلعا دەيٸن جٷرگٸزۋشٸ كۋەلٸگٸ مەن كٶلٸكتٸ باسقارۋ قۇقىعىنان ايىرۋ جازاسى قاراستىرىلعان. ال جاڭا ٶزگەرٸس بويىنشا اتالعان جازانى 30 اەك مٶلشەرٸندەگٸ ايىپپۇلعا اۋىستىرۋ كٷتٸلٸپ وتىر.
«اتالعان زاڭ بويىنشا ايىپپۇل 7 كٷننٸڭ ٸشٸندە تٶلەنسە, 50%-دىق جەڭٸلدٸك جاساۋ مٷمكٸندٸگٸ بۇرىنعىداي قالدىرىلدى», - دەيدٸ نۇرسەيٸت ەبٸشەۆ.
