قازاقستاندىق وقۋشىلار جازعى مەكتەپتەردەگٸ وقۋىن اياقتادى. وندا 2 ملن-عا جۋىق بالا قوسىمشا بٸلٸم الدى, دەپ حابارلايدى بعم باسپاسٶز قىزمەتٸ.
جازعى مەكتەپتەردٸڭ جۇمىسى 26 مامىر مەن 17 ماۋسىم ارالىعىندا ۇيىمداستىرىلعان بولاتىن. بۇل وقۋشىلاردىڭ بٸلٸمدەرٸن نىعايتىپ, ولقىلىقتاردىڭ ورنىن تولتىرۋعا مٷمكٸندٸك بەردٸ. جازعى مەكتەپكە بٸتٸرۋشٸ, ياعني 9, 11-سىنىپ وقۋشىلارىنان باسقا بارلىق وقۋشى ەرٸكتٸ تٷردە قاتىستى.
«3,6 ملن وقۋشىنىڭ 2 ملن-عا جۋىعى جازعى مەكتەپتە بٸلٸم الدى. بالالار مەن ولاردىڭ اتا-انالارىنىڭ قالاۋى بويىنشا 38 مىڭنان استام وقۋشىعا جەكە پەندەر بويىنشا ساباقتار ۇيىمداستىرىلدى. بالالاردى ىنتالاندىرۋ ماقساتىندا ساباق ستاندارتتى فورمادا ەمەس, باعالاۋسىز ٶتكەنٸن دە اتاپ ٶتكەن جٶن. وقۋ كەستەسٸنە مۋزەيلەرگە ساياحات, ەكسكۋرسييالار, ٸسكەرلٸك ويىندار, شەبەرلٸك ساباقتارى, فيلمدەر مەن مۋلتفيلمدەردٸ تالقىلاۋ كٸردٸ. كٸتاپ كلۋبتارى, ديسكۋسسييالار, ستراتەگييالىق سەسسييالار, دەباتتار جەنە باسقا دا فورماتتا ساباقتار ۇيىمداستىرىلدى. جازعى مەكتەپتٸڭ قورىتىندىسى بويىنشا اتا-انالاردىڭ وڭ پٸكٸرلەرٸن الدىق», – دەدٸ مەكتەپكە دەيٸنگٸ جەنە ورتا بٸلٸم بەرۋ كوميتەتٸنٸڭ تٶراعاسى گٷلميرا كەرٸموۆا.
ايتا كەتەيٸك, وقۋشىلار ساباقتارعا دٷيسەنبٸدەن جۇماعا دەيٸن قاتىستى. وقۋ «ماتەماتيكا», «قازاق تٸلٸ», «اعىلشىن تٸلٸ», «فيزيكا», «حيمييا» جەنە ت.ب. نەگٸزگٸ پەندەر بويىنشا ٶتتٸ.
ەندٸ جازعى مەكتەپ اياقتالعان سوڭ مۇعالٸمدەر جىل سايىنعى ەڭبەك دەمالىسىنا شىعادى. دەمالىس 42 كٷننەن 56 كٷنگە دەيٸن ۇزارتىلعانىن ەسكە سالا كەتەيٸك.
