Qazaqstandyq oqýshylar jazǵy mektepterdegi oqýyn aiaqtady. Onda 2 mln-ǵa jýyq bala qosymsha bilim aldy, dep habarlaidy BǴM baspasóz qyzmeti.
Jazǵy mektepterdiń jumysy 26 mamyr men 17 maýsym aralyǵynda uiymdastyrylǵan bolatyn. Bul oqýshylardyń bilimderin nyǵaityp, olqylyqtardyń ornyn toltyrýǵa múmkindik berdi. Jazǵy mektepke bitirýshi, iaǵni 9, 11-synyp oqýshylarynan basqa barlyq oqýshy erikti túrde qatysty.
«3,6 mln oqýshynyń 2 mln-ǵa jýyǵy jazǵy mektepte bilim aldy. Balalar men olardyń ata-analarynyń qalaýy boiynsha 38 myńnan astam oqýshyǵa jeke pánder boiynsha sabaqtar uiymdastyryldy. Balalardy yntalandyrý maqsatynda sabaq standartty formada emes, baǵalaýsyz ótkenin de atap ótken jón. Oqý kestesine mýzeilerge saiahat, ekskýrsiialar, iskerlik oiyndar, sheberlik sabaqtary, filmder men mýltfilmderdi talqylaý kirdi. Kitap klýbtary, diskýssiialar, strategiialyq sessiialar, debattar jáne basqa da formatta sabaqtar uiymdastyryldy. Jazǵy mekteptiń qorytyndysy boiynsha ata-analardyń oń pikirlerin aldyq», – dedi Mektepke deiingi jáne orta bilim berý komitetiniń tóraǵasy Gúlmira Kárimova.
Aita keteiik, oqýshylar sabaqtarǵa dúisenbiden jumaǵa deiin qatysty. Oqý «Matematika», «Qazaq tili», «Aǵylshyn tili», «Fizika», «Himiia» jáne t.b. negizgi pánder boiynsha ótti.
Endi jazǵy mektep aiaqtalǵan soń muǵalimder jyl saiynǵy eńbek demalysyna shyǵady. Demalys 42 kúnnen 56 kúnge deiin uzartylǵanyn eske sala keteiik.
