قازاقستاندا جەكە كۋەلٸكتٸڭ ديزاينى ٶزگەردٸ – قۇجاتتا بٸرنەشە جاڭا جولاق پايدا بولدى. جاڭا ٷلگٸدەگٸ جەكە كۋەلٸكتەر قازاقستاندىقتارعا 15 ماۋسىمنان باستاپ بەرٸلٸپ جاتىر, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ۆەدومستۆو اقپاراتى بويىنشا, جاڭا ٷلگٸدەگٸ جەكە كۋەلٸكتٸڭ بەت بٶلٸگٸندە ورنالاسقان جولاقتا ادامنىڭ ازاماتتىعى مەن جىنىسى تۋرالى قوسىمشا مەلٸمەتتەر جازىلىپ تۇرادى. بۇرىن بۇل اقپارات قۇجاتقا ورناتىلعان چيپتە ەدٸ.
"جەكە كۋەلٸكتٸڭ جاڭا ديزاينىن جاساۋ ٷشٸن بيۋدجەتتەن شىعىندالۋدىڭ قاجەتٸ جوق, وعان قوسا ول ازاماتتاردىڭ جاڭا قۇجاتتاردى الۋ ٷشٸن تٶلەيتٸن مەملەكەتتٸك باج سالىعىنىڭ سوماسىنا ەسەر ەتپەيدٸ (2024 جىلى مەملەكەتتٸك باج سوماسى – 738,4 تەڭگە). جارامدىلىق مەرزٸمٸ ٶتپەگەن جەكە كۋەلٸكتەردٸڭ زاڭدى كٷشٸ ساقتالادى", - دەدٸ ٸٸم ٶكٸلدەرٸ.
ۆەدومستۆو مەلٸمەتٸنە سٷيەنسەك, قۇجاتتاردى بٸر مەزگٸلدە جاپپاي اۋىستىرۋدىڭ كەرەگٸ جوق. ياعني قازاقستاندىقتارعا جاڭا ٷلگٸدەگٸ جەكە كۋەلٸكتەردٸ مىناداي جاعدايدا الۋعا بولادى:
- ازامات جەكە كۋەلٸكتٸ اۋىستىرۋ تۋرالى ٶتٸنٸش بەرٸپ, الا الادى;
- بۇرىنعى جەكە كۋەلٸكتٸڭ مەرزٸمٸ ٶتٸپ كەتكەن جاعدايدا ونى اۋىستىرۋعا ٶتٸنٸش بەرە الادى;
- ٶزگە سەبەپتەر بويىنشا قولدانىستاعى قۇجاتتار جارامسىز بولىپ سانالسا, جەكە كۋەلٸكتٸ اۋىستىرۋعا ٶتٸنٸش بەرۋ كەرەك.
