قازاقستاندىقتارعا جالعا بەرٸلەتٸن اۋىل شارۋاشىلىعى ماقساتىنداعى جەر ۋچاسكەلەرٸنٸڭ شەكتٸ ەڭ جوعارعى ٶلشەمٸن بەكٸتۋ تۋرالى ارنايى قاۋلى قابىلدانادى. بۇل تۋرالى قر اۋىل شارۋاشىلىعى مينيسترلٸگٸ جەر رەفورماسى كوميسسيياسىنىڭ وتىرىسىندا ەكونوميكالىق جۇمىس توبىنىڭ جەتەكشٸسٸ اقىلبەك كٷرٸشباەۆ ايتتى, دەپ حابارلايدى "ۇلت اقپارات".
«ەكونوميكالىق مەسەلەلەر بويىنشا جۇمىس توبىنىڭ وتىرىسىنا قازاقستاندىقتارعا جالعا بەرٸلەتٸن اۋىل شارۋاشىلىعى ماقساتىنداعى جەر ۋچاسكەلەرٸنٸڭ شەكتٸ ەڭ جوعارعى ٶلشەمٸن بەكٸتۋ تۋرالى قر ٷكٸمەتٸنٸڭ قاۋلىسىن قابىلداۋ مەسەلەسٸ قارالدى. بۇل – ٶتە ٶزەكتٸ مەسەلە. بۇل ۇسىنىستى جۇمىس توبىنىڭ بارلىق مٷشەسٸ قولدادى», - دەيدٸ ەكونوميكالىق جۇمىس توبىنىڭ باسشىسى اقىلبەك كٷرٸشباەۆ.
ونىڭ ايتۋىنشا, تاعى بٸر مەسەلە – سىبايلاس جەمقورلىق تەۋەكەلدەرٸن بولعىزباس ٷشٸن ساۋدا-ساتتىقسىز (كونكۋرسسىز, اۋكتسيونسىز) جەر بەرۋ كەزٸندە ينۆەستيتسييالىق جوبانى ايقىنداۋ تەرتٸبٸن بەلگٸلەۋ قاعيدالارىن قابىلداۋ.
«بۇل نورما تيٸستٸ زاڭدا قارالىپ جاتىر. قازٸرگٸ ۋاقىتتا كەسٸپكەرلٸك كودەكسٸنە ٶزگەرٸس ەنگٸزٸلۋدە. بۇل مەسەلەنٸ كٷن تەرتٸبٸنەن الىپ, زاڭعا ەنگٸزۋ كەرەك دەگەن ۇسىنىستى وتىرىسقا قاتىسقانداردىڭ بەرٸ قولدادى», - دەيدٸ ول.
