«قازاقستاننىڭ اۆياتسييالىق يندۋستريياسى» جشس ۇشقىشسىز ۇشاتىن اپپاراتتار قۇراستىراتىن ٶندٸرٸس ۇيىمداستىرماقشى, دەپ حابارلايدى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز قىزمەتٸ.
باسپاسٶز مەلٸمەتتەرٸنە قاراعاندا, قازاقستاننىڭ اۆياتسييالىق ٶنەركەسٸپتٸ دامىتۋ جەنە ەۋە كەمەلەرٸن ٶندٸرۋ, تەحنيكالىق قىزمەت كٶرسەتۋ جەنە جٶندەۋ نارىعىنداعى بەسەكەگە قابٸلەتتٸلٸگٸن ارتتىرۋ ماقساتىندا قۇرىلعان «قازاقستان اۆياتسييالىق يندۋستريياسى» جشس زاماناۋي اۆياتسييالىق كەسٸپورنى 2016 جىلى پايدالانۋعا بەرٸلدٸ.
«قازاقستان اۆياتسييالىق يندۋستريياسى» جشس الدىندا تۇرعان نەگٸزگٸ مٸندەتتەردٸڭ بٸرٸ - مەملەكەتتٸك اۆياتسييانىڭ ەۋە تەحنيكاسى جارامدىلىعىن قالپىنا كەلتٸرۋ بويىنشا مەملەكەتتٸك قورعانىس تاپسىرىسىن ورىنداۋ. بۇل مٸندەتتەردٸ ەسكەري ۇشاقتاردى پايدالانۋدا تەجٸريبەسٸ مەن داعدىسى بار ماماندار, سونداي-اق ەلٸمٸزدٸڭ جەنە شەتەلدەردٸڭ بەيٸندٸ وقۋ ورىندارىندا بٸلٸم العان جاس ينجەنەرلەر مەن تەحنيكتەردەن تۇراتىن بٸلٸكتٸلٸگٸ جوعارى قىزمەتكەرلەر ورىندايدى.
«2018-2020 جىلدارى قازاقستان رەسپۋبليكاسى اۋماعىندا العاش رەت وتاندىق كەسٸپورىن ان-72, سۋ-25 سۋ-27, س-295 ۇشاقتارىندا رەگلامەنتتٸك جۇمىستاردى ورىندادى. سوڭعى جىلدارى كەسٸپورىننىڭ شتاتتىق پەرسونالى 2 ەسەگە, ياعني 200 ادامعا دەيٸن ارتتى. 2020 جىلى ەلٸمٸزدٸڭ مەملەكەتتٸك ورگاندارىن قامتاماسىز ەتۋ ٷشٸن تيٸمدٸلٸگٸ جوعارى كٶپفۋنكتسيونالدى ۇشقىشسىز ۇشاتىن اپپاراتتاردى قۇراستىراتىن ٶندٸرٸستٸ ۇيىمداستىرۋ جوسپارلانىپ وتىر»,-دەلٸنگەن حابارلامادا.
سونىمەن قاتار, وندا كەسٸپورىن الدىندا اۆياتسييالىق قىزمەتتەردٸڭ ازاماتتىق نارىعىنا, ونىڭ ٸشٸندە ەكسپورتقا شىعۋ ماقساتى تۇرعاندىعى ايتىلعان.
بۇل شارالار بولاشاقتا ٶڭٸرلٸك كٶپفۋنكتسيونالدى سەرۆيستٸك اۆياتسييالىق ورتالىق مەرتەبەسٸنە ٷمٸتكەر بولۋعا مٷمكٸندٸك بەرەدٸ.
