«Qazaqstannyń aviatsiialyq indýstriiasy» JShS ushqyshsyz ushatyn apparattar qurastyratyn óndiris uiymdastyrmaqshy, dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Baspasóz málimetterine qaraǵanda, Qazaqstannyń aviatsiialyq ónerkásipti damytý jáne áýe kemelerin óndirý, tehnikalyq qyzmet kórsetý jáne jóndeý naryǵyndaǵy básekege qabilettiligin arttyrý maqsatynda qurylǵan «Qazaqstan aviatsiialyq indýstriiasy» JShS zamanaýi aviatsiialyq kásiporny 2016 jyly paidalanýǵa berildi.
«Qazaqstan aviatsiialyq indýstriiasy» JShS aldynda turǵan negizgi mindetterdiń biri - memlekettik aviatsiianyń áýe tehnikasy jaramdylyǵyn qalpyna keltirý boiynsha memlekettik qorǵanys tapsyrysyn oryndaý. Bul mindetterdi áskeri ushaqtardy paidalanýda tájiribesi men daǵdysy bar mamandar, sondai-aq elimizdiń jáne shetelderdiń beiindi oqý oryndarynda bilim alǵan jas injenerler men tehnikterden turatyn biliktiligi joǵary qyzmetkerler oryndaidy.
«2018-2020 jyldary Qazaqstan Respýblikasy aýmaǵynda alǵash ret otandyq kásiporyn An-72, Sý-25 Sý-27, S-295 ushaqtarynda reglamenttik jumystardy oryndady. Sońǵy jyldary kásiporynnyń shtattyq personaly 2 esege, iaǵni 200 adamǵa deiin artty. 2020 jyly elimizdiń memlekettik organdaryn qamtamasyz etý úshin tiimdiligi joǵary kópfýnktsionaldy ushqyshsyz ushatyn apparattardy qurastyratyn óndiristi uiymdastyrý josparlanyp otyr»,-delingen habarlamada.
Sonymen qatar, onda kásiporyn aldynda aviatsiialyq qyzmetterdiń azamattyq naryǵyna, onyń ishinde eksportqa shyǵý maqsaty turǵandyǵy aitylǵan.
Bul sharalar bolashaqta óńirlik kópfýnktsionaldy servistik aviatsiialyq ortalyq mártebesine úmitker bolýǵa múmkindik beredi.
