استانادا قر پرەمەر-مينيسترٸنٸڭ ورىنباسارى يمانعالي تاسماعامبەتوۆتٸڭ قاتىسۋىمەن جوعارى وقۋ ورىندارىنىڭ باسشىلارى لاۋازىمىنا ٷمٸتكەرلەردٸ انىقتاۋ بويىنشا رەسپۋبليكالىق كونكۋرستىق كوميسسييانىڭ وتىرىسى ٶتتٸ.
وتىرىس بارىسىندا رەسپۋبليكالىق كوميسسييا مٷشەلەرٸ ۇسىنىلعان قۇجاتتارمەن تانىسىپ, كونكۋرس قاتىسۋشىلارىمەن سۇحبات جٷرگٸزدٸ. وندا ٷش ۋنيۆەرسيتەتتٸڭ رەكتورى لاۋازىمىنا ٷمٸتكەرلەر ٸرٸكتەلدٸ. اتاپ ايتقاندا, قاراعاندى مەملەكەتتٸك تەحنيكالىق ۋنيۆەرسيتەتٸ, ٸ. جانسٷگٸروۆ اتىنداعى جەتٸسۋ مەملەكەتتٸك ۋنيۆەرسيتەتٸ جەنە پاۆلودار مەملەكەتتٸك پەداگوگيكالىق ينستيتۋتى.
بارلىق ٷمٸتكەرلەر جوعارى بٸلٸمٸ, 5 جىلدان كەم ەمەس باسشىلىق لاۋازىمدا جۇمىس ٶتٸلٸنٸڭ بولۋى, سونداي-اق, جوو دامىتۋ باعدارلاماسىنىڭ بولۋى جاعىنان قويىلىپ وتىرعان تالاپتارعا سەيكەس كەلەتٸنٸن اتاپ ٶتكەن جٶن. ساپالىق قۇرامى جاعىنان بايقاۋعا بٸلٸم جەنە عىلىم جٷيەسٸنٸڭ 26 ٶكٸلٸ قاتىستى (16 عىلىم دوكتورى, 8 عىلىم كانديداتى).
ٷمٸتكەرلەرمەن سۇحبات جەنە ولار ۇسىنعان جوو دامىتۋ باعدارلاماسىن تالقىلاۋ نەتيجەسٸندە رەسپۋبليكالىق كونكۋرستىق كوميسسييا قاراعاندى مەملەكەتتٸك تەحنيكالىق ۋنيۆەرسيتەتٸنٸڭ رەكتورى بوس لاۋازىمىنا تاعايىنداۋعا مارات يباتوۆتى, ٸ. جانسٷگٸروۆ اتىنداعى جەتٸسۋ مەملەكەتتٸك ۋنيۆەرسيتەتٸنٸڭ رەكتورى لاۋازىمىنا قۋات بايمىرزاەۆتى جەنە پاۆلودار مەملەكەتتٸك پەداگوگيكالىق ينستيتۋتىنىڭ رەكتورى بوس لاۋازىمىنا التىنبەك نۇحۇلىن تاعايىنداۋدى ۇسىندى.
ەسكە سالا كەتسەك, اعىمداعى جىلدان باستاپ قازاقستاندا مەملەكەتتٸك جوو-نىڭ رەكتورلارىن تاعايىنداۋ ەرەجەسٸ ٶزگەردٸ. ەندٸ جاڭا تالاپتارعا سەيكەس رەكتورلاردىڭ تاعايىندالۋى اشىق كونكۋرس نەگٸزٸندە جٷرگٸزٸلەدٸ. بۇعان دەيٸن مەملەكەتتٸك جوعارى وقۋ ورىندارىنىڭ رەكتورلارى قر بٸلٸم جەنە عىلىم مينيسترٸنٸڭ جەكە شەشٸمٸمەن تاعايىندالىپ كەلدٸ. سوندىقتان, رەكتورلار كورپۋسىنىڭ بٸراز بٶلٸگٸ اتالعان لاۋازىمدا 3 جىل سايىن 2 مەرزٸمنەن اسا ۋاقىت يەلەنٸپ كەلدٸ. بۇعان دەيٸن حابارلانعانداي, بۇل جاڭاشىلدىق قازاقستاندىق جوعارى وقۋ ورىندارىنىڭ باسقارۋ قۇرامىن ساپالى تولتىرۋ جەنە باسقارۋ دەربەستٸگٸن ۇلعايتۋ, سونداي-اق, قوعام الدىنداعى ەسەپتٸلٸكتٸ كٷشەيتۋ قاجەتتٸگٸنەن تۋىنداپ وتىر.
اعىمداعى ايدىڭ قازان ايىندا جوو-نىڭ باقىلاۋشى كەڭەستەرٸنٸڭ وتىرىستارى ٶتكٸزٸلدٸ, وندا ٷمٸتكەرلەر ۇسىنعان وقۋ ورنىن دامىتۋ باعدارلامالارى قارالدى. ونىڭ قورىتىندىسىندا جوو-نىڭ باقىلاۋشى كەڭەستەرٸ قۇپييا داۋىس بەرۋ ارقىلى رەسپۋبليكالىق كوميسسييا قاراۋىنا ۇسىنۋ ٷشٸن كانديداتتاردى انىقتادى.
"ۇلت اقپارات"
