فوتو: Gov.kz
قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا يتالييا مەدەنيەت مينيسترلٸگٸنٸڭ رەستاۆراتسييا جٶنٸندەگٸ ورتالىق ينستيتۋتىنىڭ ديرەكتورى لۋيدجي وليۆامەن كەزدەستٸ, دەپ حابارلايدى Ult.kz.
تاراپتار قازاقستان رەسپۋبليكاسىنىڭ ۇلتتىق مۋزەيٸ مەن يتالييا رەسپۋبليكاسىنىڭ رەستاۆراتسييا جٶنٸندەگٸ ورتالىق ينستيتۋتى اراسىندا مەموراندۋمعا قول قويدى.
قۇجاتقا سەيكەس, قر ۇلتتىق مۋزەي جانىنان رەستاۆراتسييا ورتالىعى قۇرىلادى. جاڭا مەكەمە تەجٸريبە الماسۋ, بٸرلەسكەن سەمينارلار ٶتكٸزۋ جەنە بٸلٸكتٸ ماماندار دايارلاۋ ورتالىعى بولماق.
«بۇل باعىتتاعى ينستيتۋتسيونالدىق نەگٸز قۇرۋ – ستراتەگييالىق مەسەلە. قازاقستان مەن يتالييا اراسىنداعى قارىم-قاتىناس قارقىندى دامىپ كەلەدٸ. ەكٸ ەل باسشىلارىنىڭ كەزدەسۋلەرٸ, ٶزارا قولداۋى جەنە بارلىق باعىتتاردا – ەكونوميكالىق, سىرتقى ساياسي, مەدەني-گۋمانيتارلىق ىنتىماقتاستىقتى نىعايتۋى سونىڭ دەلەلٸ. وسىنداي مەدەني بايلانىستار بٸزدٸڭ حالىقتاردىڭ بٸرٸن-بٸرٸ تەرەڭٸرەك تانۋىنا ىقپال ەتەدٸ», – دەدٸ ايدا بالاەۆا.
مينيستردٸڭ ايتۋىنشا, يتالييالىق مامانداردىڭ تەجٸريبەسٸ مۋزەي ٸسٸن, رەستاۆراتسييا قىزمەتٸن جەنە ۇلتتىق مۇرانى ساقتاۋ ٸسٸن دامىتۋعا سەپ بولادى.
«رەستاۆراتسييا ورتالىعىنىڭ جەمٸستٸ جۇمىس ٸستەۋٸ – جوعارى دەڭگەيدەگٸ مامانداردىڭ ەڭبەگٸنە بايلانىستى. بٸز مەتالل, تاس, ماتا, اعاش جەنە باسقا دا ماتەريالداردان جاسالعان كٶركەم جەنە تاريحي-مەدەني قۇندىلىقتاردى قالپىنا كەلتٸرۋمەن اينالىساتىن كەسٸبي كادرلار توبىن دايارلاۋعا اتسالىسقىمىز كەلەدٸ. بۇل ٶتە ماڭىزدى, سەبەبٸ ۇلتتىق رەستاۆراتسييا ورتالىعىن قۇرۋ ارقىلى بٸز جاڭا بۋىن مامانداردى دايارلايتىن ايماقتىق ورتالىقتاردى دا قالىپتاستىرامىز. سونداي-اق, وسى جۇمىستىڭ ەلەۋمەتتٸك جەنە قايىرىمدىلىق تۇسىن دا ەسكەرۋ ماڭىزدى. ەگەر دايارلىق باعدارلاماسىنا مٷمكٸندٸگٸ شەكتەۋلٸ جاستاردى تارتىپ, ولارعا رەستاۆراتور ماماندىعىن يگەرۋگە جەنە سۇرانىستاعى كەسٸبي مامان رەتٸندە دامۋىنا مٷمكٸندٸك بەرسەك, ٶتە جاقسى بولار ەدٸ دەپ ەسەپتەيمٸن», – دەدٸ مينيستر.
لۋيدجي وليۆا ٶز تاراپىنان ىنتىماقتاستىققا دايىن ەكەنٸن بٸلدٸردٸ.
«قازاقستاندا ۇلتتىق رەستاۆراتسييا ورتالىعىن قۇرۋ – بۇل تەك مەدەني جوبا ەمەس, سونىمەن قاتار جاڭا جۇمىس ورىندارىن اشۋعا مٷمكٸندٸك. ورتالىقتىڭ قىزمەتٸ مەتالل, اعاش, ماتا, تاس جەنە باسقا دا ماتەريالداردان جاسالعان بۇيىمداردى قالپىنا كەلتٸرۋ باعىتتارىن قامتيدى. بٸز قازاقستاندىق رەستاۆراتورلاردى وقىتۋعا جەنە مۋزەي ەكسپوناتتارىمەن جۇمىس ٸستەۋدٸڭ وزىق تەحنولوگييالارىن ەنگٸزۋگە دايىنبىز», – دەدٸ يتالييا مەدەنيەت مينيسترلٸگٸنٸڭ رەستاۆراتسييا جٶنٸندەگٸ ورتالىق ينستيتۋتىنىڭ ديرەكتورى لۋيدجي وليۆا.
كەزدەسۋ بارىسىندا ايدا بالاەۆا استانادا ٶتكەن لەوناردو دا ۆينچيدٸڭ «ەدەمٸ حانشايىم» كارتيناسىنىڭ كٶرمەسٸ تۋرالى دا اتاپ ٶتتٸ.
بۇل كٶرمە قازاقستاندىق كٶرەرمەننٸڭ قىزىعۋشىلىعىن تۋدىردى. مينيستر يتالييالىق تاراپ وسى باعىتتاعى ىنتىماقتاستىقتى جالعاستىرىپ, يتالييا سۋرەتشٸلەرٸنٸڭ باسقا دا تۋىندىلارىنىڭ كٶرمەسٸن ٶتكٸزۋگە قولداۋ بٸلدٸرۋگە دايىن ەكەنٸن جەتكٸزدٸ.
كەزدەسۋ سوڭىندا تاراپتار ٶزارا ىنتىماقتاستىق قازاقستان مەن يتالييا اراسىنداعى دوستىقتى نىعايتۋعا ماڭىزدى ٷلەس قوساتىنىنا سەنٸم بٸلدٸردٸ.
