بٷگٸن قازاقستاندا ۇلتتىق بٸرىڭعاي تەستٸلەۋدٸ ٶتكٸزۋ شارالارى باستالدى, دەپ حابارلايدى "ۇلت اقپارات".
اتاپ ايتقاندا, 2019 جىلدان باستاپ جوعارى وقۋ ورنىنا اقىلى نەگٸزدە تٷسۋ ٷشٸن ۇبت-نى جىلىنا 4 رەت (قاڭتار, ناۋرىز, ماۋسىم, تامىز) تاپسىرۋعا بولادى. بٸلٸم بەرۋ گرانتىن تاعايىنداۋ كونكۋرسىنا قاتىسۋ ٷشٸن وقۋعا تٷسۋشٸلەر ماۋسىم ايىندا ٶتەتٸن ۇبت-نى تاپسىرۋى قاجەت.
«جالپى, سىناقتى تاپسىرۋ فورماتىندا ٶزگەرٸس جوق. بۇل نورما جوعارى بٸلٸم الۋعا قولجەتٸمدٸلٸكتٸ ارتتىرۋ ماقساتىندا ەنگٸزٸلدٸ», - دەلٸنگەن بٸلٸم جەنە عىلىم مينيسترلٸگٸ مەلٸمەتٸندە.
ۇلتتىق بٸرىڭعاي تەستٸلەۋدٸ ٶتكٸزۋ قاعيدالارىنا سەيكەس, 2019 جىلعى 18-20 قاڭتار ارالىعىندا ۇبت ٶتكٸزۋدٸڭ 74 پۋنكتٸ بازاسىندا تەستٸلەۋ جٷرگٸزٸلەدٸ.
ەسكە سالا كەتەيٸك, ۇبت-عا قاتىسۋ ٷشٸن قۇجاتتاردى قابىلداۋ بٸرىڭعاي اقپاراتتىق جٷيە ارقىلى 2018 جىلعى 1-15 جەلتوقسان ارالىعىندا جٷزەگە اسىرىلدى. نەتيجەسٸندە, تەستٸلەۋگە قاتىسۋعا 35 838 ادام ٶتٸنٸش بٸلدٸردٸ. ونىڭ ٸشٸندە, قازاق تٸلٸندە - 25 615, ورىس تٸلٸندە - 10 162, اعىلشىن تٸلٸندە - 61 وقۋشى.
ۇبت ٶتكٸزۋ ٷشٸن جەرگٸلٸكتٸ جەرلەردە 444 ادامنان تۇراتىن ۇبت ۇيىمداستىرۋ جەنە ٶتكٸزۋ بويىنشا مەملەكەتتٸك كوميسسييا قۇرىلدى. ونىڭ قۇرامىنا وبلىستار نەمەسە رەسپۋبليكالىق ماڭىزى بار قالالار ەكٸمدٸكتەرٸنٸڭ ٶكٸلدەرٸ, قۇقىق قورعاۋ ورگاندارىنىڭ, قوعامدىق ۇيىمداردىڭ, بۇقارالىق اقپارات قۇرالدارىنىڭ ٶكٸلدەرٸ كٸرەدٸ. قاڭتار ايىندا ٶتكٸزٸلەتٸن سىناقتا 520 اۋديتورييا پايدالانىلادى.
بۇدان بۇرىن حابارلانعانداي, مينيسترلٸك ٶكٸلٸ 2019 جىلى ٶتكٸزٸلەتٸن ۇلتتىق بٸرىڭعاي تەستٸلەۋدٸڭ نازار اۋدارارلىق بەس پۋنكتٸن اتاعان بولاتىن.
