سۋرەت: Pixabay
2025 جىلى ۇلتتىق بٸرىڭعاي تەست تاپسىرۋدىڭ جاڭا فورماتى پيلوتتىق جوبا رەتٸندە ٸسكە قوسىلادى. بۇل تۋرالى عىلىم جەنە جوعارى بٸلٸم مينيسترٸ ساياسات نۇربەك مەلٸمدەدٸ, دەپ حابارلايدى "ۇلت اقپارات".
مينيستردٸڭ ايتۋىنشا, ەلەمنٸڭ كٶپتەگەن ەلٸندە تەستٸلەۋدٸ الىپ تاستاۋ مەسەلەسٸ قىزۋ تالقىلانىپ جاتىر.
"مەسەلەن اقش پاندەمييا كەزٸندە ستاندارتتى تەستتٸ الىپ تاستادى جەنە ۋنيۆەرسيتەتتەر ٶتە كٷردەلٸ مەسەلەگە تاپ بولدى. ورتالىقتاندىرىلماعان وقۋعا تٷسۋ جٷيەسٸنە قاراماستان, كەم دەگەندە ستۋدەنتتەردٸ باعالاۋ, سالىستىرۋ جەنە ٸرٸكتەۋ ٷشٸن قانداي دا بٸر ستاندارت قاجەت", – دەيدٸ ساياسات نۇربەك.
ونىڭ ايتۋىنشا, مينيسترلٸك 2021 جىلدان باستاپ دٷنيەجٷزٸلٸك بانكتٸڭ قولداۋىمەن ۇبت فورماتىن قايتا قۇرۋ جەنە ەڭ باستىسى – تەست سۇراقتارىنىڭ مازمۇنىن تٷبەگەيلٸ قايتا ٶڭدەۋ بويىنشا ٷلكەن جوبانى ٸسكە قوسقان.
"الدىڭعى جىلى بٸز ەكٸ باعىت بويىنشا جۇمىس ٸستەدٸك. بٸرٸنشٸسٸ – جاڭا فورمات بويىنشا تەست دايىنداۋ. بارلىق سۇراقتاردى مازمۇندى تٷردە قايتا قاراۋ كەرەك بولدى. ٶتكەن اپتادا بۇل كومپونەنت اياقتالدى. تەست دايىنداۋدى ەلەمگە ەيگٸلٸ فرانتسۋز كومپانيياسى جٷرگٸزدٸ. جاڭا مودەل بويىنشا 350 تەستولوگ دايىندالدى", – دەدٸ مينيستر.
ەكٸنشٸ باعىت – فينلياندييالىق كومپانييالار توبىمەن ۇبت قۇرىلىمى بويىنشا جۇمىس.
"بۇل ارنايى وقىتىلعان تەستولوگتار توبى SIT فورماتىنا ۇقساس جاڭا ەدٸستەمە بويىنشا سۇراقتار دايىنداي باستايدى, بۇل حالىقارالىق دەڭگەيدە تانىلعان تەست. وعان قوسا, بٸز بازانى قۇرعاندا جاڭا ۇبت فورماتىن پيلوتتىق تٷردە باستاۋ ٷشٸن كەم دەگەندە 50 مىڭ سۇراق ەزٸرلەۋٸمٸز كەرەك. مۇندا دا مۇقييات, ۇقىپتى بولۋىمىز كەرەك, ٶيتكەنٸ فورماتتىڭ كٷرت ٶزگەرۋٸ دە ٷلكەن پروبلەمالارعا الىپ كەلەدٸ, جوعارى سىنىپ وقۋشىلارىن وسى فورماتقا دايىنداۋ قاجەت", – دەپ اتاپ ٶتتٸ ساياسات نۇربەك.
ۆەدومستۆو باسشىسى وسى جىلدان باستاپ مينيسترلٸك ٷلكەن پيلوتتىق جوباعا دايىندىق باستايتىنىن ايتتى.
"بٸز پيلوتتىق جوبانى كەلەسٸ جىلى باستايمىز, جوبا ۇبت فورماتىن بٸردەن ٶزگەرتپەيدٸ, بەلگٸلٸ بٸر پيلوتتىق رەجيمدە ٸسكە قوسىلادى. بٸرتە-بٸرتە بٸز SIT حالىقارالىق ستاندارتىنا كٶشەمٸز, وندا ەربٸر تالاپكەردٸڭ ٶزٸ تەستٸلەۋ ورنىن, ۋاقىتىن تاڭدايدى, دايىندالادى, تاپسىرادى, سەرتيفيكات الادى, سونىمەن وقۋعا تٷسەدٸ", – دەدٸ مينيستر.
