قازاقستاندا تۇرۋ ەرەجەلەرٸن بۇزعان 7 572 شەتەل ازاماتى انىقتالدى, دەپ حابارلايدى "ۇلت اقپارات" قر ٸٸم باسپاسٶز قىزمەتٸنە سٸلتەمە جاساپ.
«وسى جىلدىڭ 16 قاڭتارىنان باستاپ 20 قاڭتارىنا دەيٸن قازاقستان اۋماعىندا ٷشٸنشٸ ەل ساناتىنداعى ميگرانتتاردىڭ زاڭسىز كٶشٸ-قونىن انىقتاۋ جەنە بولدىرماۋ, زاڭسىز كٶشٸ-قون ارنالارىن ۇيىمداستىرۋشىلاردىڭ ٸس-ەرەكەتتەرٸن شەكتەۋ ماقساتىندا «ميگرانت» جەدەل الدىن-الۋ ٸس-شاراسى ٶتكٸزٸلدٸ. سونىڭ نەتيجەسٸندە قازاقستان رەسپۋبليكاسىندا بولۋ ەرەجەلەرٸن بۇزعان 7 572 شەتەل ازاماتى انىقتالدى. سوت شەشٸمٸ بويىنشا ولاردىڭ 703-ٸ ەلدەن شىعارىلىپ, 715 ادام قابىلداۋ-تاراتۋ ورتالىقتارىنا ورنالاستىرىلدى», - دەلٸنگەن حابارلامادا.
ٸشكٸ ٸستەر مينيسترلٸگٸنٸڭ مەلٸمەتتەرٸ بويىنشا, شەتەلدٸك جۇمىس كٷشٸن تارتۋ جەنە پايدالانۋ ەرەجەلەرٸن بۇزعانى ٷشٸن 253 جۇمىس بەرۋشٸ ەكٸمشٸلٸك جاۋاپقا تارتىلعان.
ناقتىراق ايتقاندا, اتىراۋ وبلىستىق پوليتسييا باسقارماسىنىڭ زاڭسىز كٶشٸ-قونمەن كٷرەسۋ جٶنٸندەگٸ ارنايى بٶلٸمٸنٸڭ قىزمەتكەرلەرٸ اعىندى سۋلاردى تازارتۋ قۇرىلىستارىنا قىزمەت ەتەتٸن ٶندٸرٸستٸك بازانىڭ اۋماعىندا زاڭسىز ەڭبەكپەن اينالىساتىن ٶزبەكستان ازاماتتارىن ۇستاعان. شەتەلدٸكتەرمەن بٸرگە جۇمىس بەرۋشٸ دە ەكٸمشٸلٸك جاۋاپقا تارتىلىپ وتىر.
ميگراتسييالىق زاڭداردى بۇزعانى ٷشٸن الدىن-الا تەرگەۋدٸڭ بٸرىڭعاي رەەسترٸندە 66 قىلمىستىق ٸس تٸركەلدٸ.
مەسەلەن, شىمكەنت پوليتسييا دەپارتامەنتٸنٸڭ زاڭسىز كٶشٸ-قونعا قارسى كٷرەس جٶنٸندەگٸ ارنايى بٶلٸمٸنٸڭ قىزمەتكەرلەرٸ قازاقستان رەسپۋبليكاسىنىڭ مەملەكەتتٸك شەكاراسىن زاڭسىز كەسٸپ ٶتكەن اۋعانستان ازاماتىن ۇستاعان.
«ٸزدەۋدە جٷرگەن 32 قىلمىسكەر ۇستالدى. ونىڭ ٸشٸندە تٶرتەۋٸ تمد ازاماتى. جالپى, ميگراتسييالىق زاڭنامالاردى بۇزعانى ٷشٸن 3 877 شەتەلدٸكتٸڭ ەلٸمٸزدە ۋاقىتشا بولۋ مەرزٸمٸ قىسقارتىلدى», - دەپ تولىقتىردى باسپاسٶز قىزمەتٸنەن.
