1 ماۋسىم كٷنٸ پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن ٶتكەن سەلەكتورلىق وتىرىستا مينيسترلٸكتەر, «اتامەكەن» ۇكپ جەنە ٶڭٸرلەر ەكٸمدٸكتەرٸنٸڭ باسشىلىعىنىڭ قاتىسۋىمەن قازاقستاندا تۋريزم ماۋسىمىن جانداندىرۋ مەسەلەلەرٸ قارالدى, دەپ حابارلايدى primeminister.kz.
وتىرىستا تٶتەنشە جاعداي كەزٸندە ٷكٸمەت تاراپىنان بۇل سالاعا مٷلٸك سالىعىنان جەنە ەڭبەكاقى تٶلەۋ قورىنان سالىق تٶلەۋ مەن باسقا دا تٶلەمدەردەن بوساتۋ تۇرعىسىنان مەملەكەتتٸك قولداۋ كٶرسەتٸلگەنٸ اتالىپ ٶتتٸ.
سونىمەن قاتار, زاڭنامالىق دەڭگەيدە تۋريستٸك سالاعا قوسىمشا قولداۋ كٶرسەتۋ شارالارى قارالىپ جاتىر:
-
تۋريستٸك وبەكتٸلەردٸ جاڭادان سالۋ, رەكونسترۋكتسييالاۋ جەنە جابدىقتاۋ كەزٸندە ينۆەستيتسييا سوماسىنىڭ 10%-ىن ٶتەۋ جەنە پرەفەرەنتسييا بەرۋ;
-
ەر شەتەلدٸك تۋريست ٷشٸن تۋروپەراتوردىڭ شىعىندارىن سۋبسيدييالاۋ;
-
ەۋە كومپانييالارىنا ٸشكٸ ەۋە باعىتتارى بويىنشا بالالاردىڭ جول اقىسىن 100% ٶتەۋ;
-
كەسٸپكەرلٸك سۋبەكتٸلەرٸنٸڭ جول بويىنداعى نىسانداردى سالۋ جەنە قىزمەت كٶرسەتۋ بويىنشا شىعىندارىنىڭ 25%-ىن ٶتەۋ;
-
تۋروپەراتورلار مەن تۋراگەنتتٸكتەردٸڭ تۋريستٸك كٶلٸك قۇرالدارىن ساتىپ الۋ شىعىندارىنىڭ 25%-ىن ٶتەۋ.
2019-2025 جىلدارعا ارنالعان تۋريستٸك سالانى دامىتۋ مەملەكەتتٸك باعدارلاماسى اياسىندا 44 تۋريستٸك جوباعا ينفراقۇرىلىم جٷرگٸزۋ ماقساتىنا رەسپۋبليكالىق بيۋدجەتتەن 51,5 ملرد تگ قاراجات بٶلٸندٸ. بۇل — اتالعان سالانى قولداۋدىڭ رەكوردتىق كٶرسەتكٸشٸ دەۋگە بولادى.
كەڭەستە قازاقستاندا تۋريزم ماۋسىمىن باستاۋعا تولىق دايىندىق جاسالعانى حابارلاندى: تۋريستٸك نىسانداردىڭ جۇمىس الگوريتمٸ ەزٸرلەندٸ, جولاۋشىلاردى تاسىمالداۋدىڭ اۆيا, تەمٸرجول جەنە اۆتوبۋس مارشرۋتتارى ٸسكە قوسىلعان.
كەڭەس قورىتىندىسى بويىنشا پرەمەر-مينيستردٸڭ ورىنباسارى ە. توعجانوۆ ٶڭٸرلەردٸڭ ەكٸمدٸكتەرٸنە تۋريستٸك وبەكتٸلەردٸڭ دايىندىعى تۋرالى اكتٸلەردٸ بەرۋ جۇمىسىن جەدەلدەتۋدٸ, جاڭا تۋريستٸك باعدارلار مەن تولىققاندى اقپاراتتار جيىنتىعىن جاساۋدى, سونداي-اق اتالعان سالاعا ينۆەستيتسييا تارتۋ جۇمىسىن كٷشەيتۋدٸ تاپسىردى.
