قازاقستاندا تۇرعىندارىنىڭ سانى 10-عا جەتپەيتٸن 45 اۋىل بار. ورتالىق كوممۋنيكاتسييالار قىزمەتٸندە ٶتكەن بريفينگٸدە قر يندۋسترييا جەنە ينفراقۇرىلىمدىق دامۋ مينيسترلٸگٸ قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ ورىنباسارى بەيبٸت شاحانوۆ وسىنداي مەلٸمەت بەردٸ, دەپ حابارلايدى قازاقپارات.
«ەل بويىنشا بارلىعى 6 316 اۋىل بار. ونىڭ ٸشٸندە حالىق سانى 50 ادامنان كەم – 348 اۋىل (10,1 مىڭ ادام) جەنە 10 ادامنان كەم – 45 اۋىل (253 ادام) بار. ونىڭ ٸشٸندە 3 991 اۋىل ورتالىق سۋمەن قامتىلعان, 403 اۋىلدا كەشەندٸ بلوك-مودۋلدەر ورناتىلعان.
اۋىزسۋمەن قامتىلماعان 1 922 اۋىلدىڭ 793-ٸندە ورتالىقتاندىرىلعان سۋمەن جابدىقتاۋ جٷيەلەرٸن سالۋ جۇمىستارىن جالعاستىرۋ جوسپارلانىپ وتىر», - دەدٸ كوميتەت باسشىسىنىڭ ورىنباسارى.
ونىڭ مەلٸمەتٸ بويىنشا, تۇرعىن سانى 200-گە جەتپەيتٸن اۋىلدارعا كەشەندٸ بلوك-مودۋلدەر ورناتىلماق.
«قاراجاتتى تيٸمدٸ پايدالانۋ ٷشٸن حالىق سانى 200-دەن كەم 1 129 ۇساق اۋىلدا كەشەندٸ بلوك-مودۋلدەر ورناتىلادى. كەشەندٸ بلوك-مودۋلدەردٸڭ باعاسى, ورناتۋ جەنە پايدالانۋ جولدارى جەڭٸل. قاجەت بولعان جاعدايدا اۋىلدان اۋىلعا تاسىمالداۋ مٷمكٸندٸگٸ بار.
بيىل جەرگٸلٸكتٸ اتقارۋشى ورگانداردىڭ جەدەل اقپاراتىنا سەيكەس 368 اۋىلدى قامتۋ جوسپارلانۋدا. ونىڭ ٸشٸندە 148 اۋىلدا ورتالىق سۋمەن جابدىقتاۋ جەنە 220 اۋىلدا جەرگٸلٸكتٸ بيۋدجەت قاراجاتى ەسەبٸنەن كەشەندٸ بلوك-مودۋلدەر ورناتۋ جوسپارلانۋدا», - دەدٸ بەيبٸت شاحانوۆ.
