قازاقستاندا تۇماۋ انىقتالعان جوق. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«تۇماۋ مەن جرۆي بويىنشا ەپيدەميولوگييالىق ماۋسىمنىڭ باستالۋىنا بايلانىستى مينيسترلٸك حالىقتىڭ سىرقاتتانۋشىلىعىنا, ۆاكتسينا الۋىنا مونيتورينگ جٷرگٸزۋدە. رەسپۋبليكادا 1 قىركٷيەكتەن 850 جرۆي جاعدايى تٸركەلدٸ, تۇماۋ انىقتالعان جوق. بٷگٸنگٸ كٷنٸ تۇماۋعا قارسى 694 710 ادام ەگٸلدٸ, ونىڭ ٸشٸندە 684 051-ٸ – تەگٸن, 9 370-ى جۇمىس بەرۋشٸلەر ەسەبٸنەن جەنە 1 289-ى اقىلى نەگٸزدە ەكپە الدى. حالىقتى ەگۋمەن قامتۋدىڭ بارىنشا جوعارى پايىزى تٷركٸستان, پاۆلودار, قاراعاندى وبلىستارىندا جەنە شىمكەنت قالاسىندا بايقالادى», - دەدٸ الەكسەي تسوي ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, جرۆي مەن تۇماۋعا قارسى ۆاكتسيناتسييا جالعاسىپ جاتىر. ۆاكتسينانىڭ كٶلەمٸ جەتكٸلٸكتٸ.
«كوروناۆيرۋس ينفەكتسيياسى مەن جٸتٸ رەسپيراتورلىق ۆيرۋستىق ينفەكتسييانىڭ كلينيكاسى ۇقساس. الداعى تۇماۋ مەن جرۆي بويىنشا ەپيدەمييالىق ماۋسىمدى ەسكەرە وتىرىپ, مەديتسينالىق كٶمەككە ۋاقىتىلى جٷگٸنۋ قاجەت. قورىتىندىلاي كەلە, مىناعان نازار اۋدارساڭىزدار, ٶزٸڭٸزگە جەنە باسقا ادامدارعا اۋرۋ جۇقتىرماۋ ٷشٸن قاراپايىم پروفيلاكتيكا ٸس-شارالارىن ساقتاپ, ۆاكتسينانى ۋاقىتىلى الۋ قاجەت. كوروناۆيرۋس ينفەكتسيياسى بويىنشا ەپيدەميولوگييالىق جاعدايدى تۇراقتاندىرۋ, ەرقايسىمىزدىڭ جەنە جاقىندارىمىزدىڭ دەنساۋلىعى ٶز قولىمىزدا», - دەدٸ مينيستر.
