قازاقستاندا 17 شٸلدە كٷنٸ 5493 ادامنىڭ اناليزٸنەن كوروناۆيرۋس ينفەكتسيياسى انىقتالدى. بۇل تۋرالى ٸندەتپەن كٷرەس جٶنٸندەگٸ ۆەدومستۆوارالىق كوميسسييا حابارلادى.
ايماقتار بويىنشا, كٶش باسىندا نۇر-سۇلتان (1419 ناۋقاس), الماتى (884) جەنە قاراعاندى وبلىسى (735).
قالعان ٶڭٸرلەردەگٸ تەۋلٸك كٶرسەتكٸشٸ مىناداي:
- شىمكەنت قالاسىندا – 370,
- اقمولا وبلىسىندا – 176,
- اقتٶبە وبلىسىندا - 179,
- الماتى وبلىسىندا - 162,
- اتىراۋ وبلىسىندا - 277,
- شىعىس قازاقستان وبلىسىندا - 81.
- جامبىل وبلىسىندا - 57,
- باتىس قازاقستان وبلىسىندا - 266,
- قوستاناي وبلىسىندا - 124,
- قىزىلوردا وبلىسىندا - 140,
- ماڭعىستاۋ وبلىسىندا - 210,
- پاۆلودار وبلىسىندا - 175,
- سولتٷستٸك قازاقستان وبلىسىندا - 95,
- تٷركٸستان وبلىسىندا - 143.
ەلدە 14 شٸلدەدەن بەرٸ كٷن سايىن 5 مىڭنان استام ناۋقاس تٸركەلٸپ كەلەدٸ. ٸندەت باستالعالى اۋرۋعا شالدىققانداردىڭ جالپى سانى 488 905-كە جەتٸپ وتىر. بۇل ۆيرۋس جۇقتىرعانى پتر تەستٸمەن راستالعاندار عانا. بۇدان بٶلەك پتر تەستٸ تەرٸس نەتيجە كٶرسەتٸپ, بٸراق اۋرۋ بەلگٸلەرٸ كوروناۆيرۋستىكٸنە ۇقسايتىن پنەۆمونييا ەسەبٸ بار. ٷكٸمەت بۇل ەسەپتٸ بىلتىر 1 تامىزدا باستاعان. سودان بەرٸ پنەۆمونييانىڭ بۇل تٷرٸنە 58 مىڭنان استام ادام شالدىققان.
ٸندەتتٸڭ كٷرت ٶرشۋٸن "دەلتا" ۆاريانتىنىڭ تاراۋىمەن بايلانىستىرادى. كوروناۆيرۋستىڭ بۇل ۆاريانتى قازاقستاندا ماۋسىمىنىڭ سوڭىندا تٸركەلگەن. جۇقپالىعى جەنە ٶلٸم قاۋپٸ جوعارى بۇل ۆاريانت قازٸر ەلەمنٸڭ جٷزدەن استام ەلٸندە انىقتالىپ, دومينانت ۆاريانتقا اينالىپ كەلەدٸ.
زەرتتەۋلەر قولدا بار ۆاكتسينالاردىڭ "دەلتا" ۆاريانتىنان قورعاي الاتىنىن كٶرسەتٸپ وتىر.
17 شٸلدەدەگٸ دەرەك بويىنشا, قازاقستاندا 4 ميلليون 835 مىڭ ادام كوروناۆيرۋس ەكپەسٸنٸڭ كەمٸ بٸر كومپونەنتٸن سالدىرعان. ەكپەنٸ تولىق العاندار سانى 2,7 ميلليون.
ەلدە رەسەيلٸك "سپۋتنيك V", قازاقستاندىق QazVac, قىتايلىق Hayat-Vax جەنە CoronaVac ەكپەلەرٸن سالادى. كەيٸنگٸ اپتادا سوڭعى ەكەۋٸنٸڭ قورى سارقىلىپ قالعان. ال QazVac ەكپەسٸنٸڭ كٶلەمٸ ٶندٸرٸس قۋاتىنىڭ ەلسٸزدٸگٸنە بايلانىستى شەكتەۋلٸ بولىپ وتىر.
