17 تامىز كٷنٸ قازاقستاندا 7034 ادامنىڭ پتر تەستٸ وڭ نەتيجە كٶرسەتتٸ. بۇل تۋرالى دەنساۋلىق ساقتاۋ مينيسترلٸگٸ حابارلادى.
الماتى قالاسى مەن قاراعاندى وبلىسىندا ناۋقاس سانى ەدەتتەگٸدەي مىڭنان استى. بٸرٸنشٸسٸندە 1403, ەكٸنشٸسٸندە 1049 ناۋقاس تٸركەلدٸ. شٸلدەنٸڭ سوڭعى ونكٷندٸگٸندە تەۋلٸك سايىن 1,5 مىڭ ناۋقاس شىعىپ جٷرگەن نۇر-سۇلتاندا كوروناۆيرۋسقا 735 ادام شالدىقتى.
كەيٸنگٸ ەكٸ ايدا قازاقستاندا كوروناۆيرۋستىڭ تاراۋى كٷرت كٷشەيدٸ. شٸلدەنٸڭ سوڭىنان بەرٸ كٷن سايىن 7-8 مىڭ ناۋقاس تٸركەلٸپ جاتىر. ماماندار مۇنى جۇقپالىعى جوعارى ەرٸ اۋىل حالگە جىلدام تٷسٸرەتٸن "دەلتا" ۆاريانتىمەن بايلانىستى. العاش رەت ٷندٸستاندا انىقتالعان بۇل ۆاريانت قازاقستاندا ماۋسىمنىڭ سوڭىندا تٸركەلدٸ.
ٸندەت باستالعالى ەلدە بارلىعى 708 379 Covid جۇقتىرۋ جاعدايى تٸركەلگەن. ونىڭ ٸشٸندە 7867 ادام اۋرۋدان ايىعا الماي, قايتىس بولعان. بيلٸك بۇل تٸزٸمگە كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن 2 مىڭنان استام ادامدى قوسپاي وتىر.
قازاقستان ٷكٸمەتٸ بىلتىر 1 تامىزدان باستاپ پتر تەستٸ تەرٸس نەتيجە كٶرسەتكەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن "كوۆيدتەكتەس پنەۆمونييا" (كۆي-) ەسەبٸن جٷرگٸزٸپ كەلەدٸ. وسى كٷنگە دەيٸن پنەۆمونييانىڭ بۇل تٷرٸمەن 66 381 ناۋقاس تٸركەلدٸ, ونىڭ ٸشٸندە 4111 ادام قايتىس بولعان.
ەلدە كوروناۆيرۋس ستاتيستيكاسىنىڭ راستىعىنا كٷمەن كەلتٸرەدٸ. دەنساۋلىق ساقتاۋ مينيسترلٸگٸ بىلتىر قاڭتاردان تامىزعا دەيٸن 256 مىڭ ادام پنەۆمونيياعا شالدىققان, اراسىندا كوروناۆيرۋس بەلگٸلەرٸ بار ناۋقاستار كەزدەسەدٸ دەگەن. بٸراق ولاردىڭ ەشقايسىسى كوروناۆيرۋس ستاتيستيكاسىنا كٸرمەدٸ.
18 تامىزداعى مەلٸمەت بويىنشا, ەلدە 120 313 ادام كوروناۆيرۋس ينفەكتسيياسىنان (–115 214 + جەنە 5 099 كۆي-) ەمدەلٸپ جاتىر.
ولاردىڭ ٸشٸندە 30 123 پاتسيەنت ستاتسيوناردا, 90 190 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 840 ادامنىڭ جاعدايى اۋىر,
• 561 پاتسيەنتتٸڭ جاعدايى ٶتە اۋىر,
• 263 ناۋقاس جاساندى تىنىس الۋ اپپاراتىندا جاتىر.
بٷگٸنگٸ كٷنگە دەيٸن قازاقستاندا كوروناۆيرۋسقا قارسى ۆاكتسينانىڭ I كومپونەنتٸن 6 183 445 ادام سالدىرسا, II كومپونەنتٸن 4 819 587 ادام قابىلداعان.
