قازاقستاندا ٶتكەن تەۋلٸكتە 2443 ادامنىڭ اناليزٸنەن كوروناۆيرۋس انىقتالدى. الماتىدا – 651, نۇر-سۇلتاندا 398 ناۋقاس تٸركەلگەن. ايماقتا تەۋلٸكتٸك كٶرسەتكٸش بويىنشا قاراعاندى وبلىسى (245) مەن الماتى وبلىسى (200) الدا تۇر.
سەيسەنبٸ, 4 مامىردا 43 ادام كٶز جۇمعان: 37 ادام – كوروناۆيرۋستان, 6 ادام كوروناۆيرۋس پنەۆمونيياسىنان قايتىس بولدى دەپ ايتىلادى. بٸر كٷندە 177 ادامعا كوروناۆيرۋس پنەۆمونيياسى دياگنوزى قويىلعان.
6 مامىرداعى مەلٸمەت بويىنشا, قازاقستاندا 43 253 ادام كوروناۆيرۋس ينفەكتسيياسىنان (42 792 كۆي+ جەنە 461 كۆي-) ەمدەلٸپ جاتىر.
ولاردىڭ ٸشٸندە 14 489 پاتسيەنت ستاتسيوناردا, 28 764 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 780 ادامنىڭ جاعدايى اۋىر,
• 195 پاتسيەنتتٸڭ جاعدايى ٶتە اۋىر,
• 121 ناۋقاس جاساندى تىنىس الۋ اپپاراتىندا جاتىر.
2020 جىلدىڭ ناۋرىز ايىنان بەرٸ 334 812 ادامنىڭ كوروناۆيرۋس تەستٸ وڭ شىققان. دەنساۋلىق ساقتاۋ مينيسترلٸگٸ كوروناۆيرۋس پەن كوروناۆيرۋس پنەۆمونيياسى دەرەگٸن بٸرٸكتٸرمەي, بٶلەك جارييالاپ جٷر. قازاقستان بيلٸگٸ كوروناۆيرۋس پنەۆمونيياسىنا شالدىققانداردى 2020 جىلدىڭ 1 تامىزىنان بەرٸ تٸركەپ كەلەدٸ. سودان بەرٸ 53 299 ادامعا كوروناۆيرۋس پنەۆمونيياسى دياگنوزى قويىلعان. 823 ادام قايتىس بولعان.
بىلتىر شٸلدە ايىندا ەلدە ٸندەت ٶرشٸپ تۇرعان شاقتا دٷنيەجٷزٸلٸك دەنساۋلىق ساقتاۋ ۇيىمى قازاقستاندا جايىلىپ بارا جاتقان "ٶتە قاۋٸپتٸ" پنەۆمونييانى كوروناۆيرۋستىڭ ناقتىلانباعان تٷرٸ دەپ اتاعان. وسىدان سوڭ بيلٸك كوروناۆيرۋسقا ۇقساس پنەۆمونييانىڭ ەسەبٸن جٷرگٸزە باستادى.
رەسمي مەلٸمەت بويىنشا, قازاقستاندا 3833 ادام كوروناۆيرۋستان قايتىس بولعان.
قازاقستاندا كوروناۆيرۋسقا قارسى ۆاكتسينانىڭ العاشقى دوزاسىن العاندار 1 ملن 565 مىڭ ادامعا جەتتٸ. 460 مىڭىنا ۆاكتسينانىڭ ەكٸ دوزاسى سالىنعان. قازٸر حالىققا رەسەيلٸك "سپۋتنيك V", QazVac جەنە باە ەلٸندە جاسالعان قىتايدىڭ Sinopharm كومپانيياسىنىڭ ەكپەسٸ سالىنىپ جاتىر.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە 154,7 ملن ادامعا كوروناۆيرۋس جۇققان. جارتىسىنان استامى جازىلعان. 3,23 ملن ادام قايتىس بولعان.
