كەشە, 6 قازاندا قازاقستاندا 2063 ادامنىڭ كوروناۆيرۋس تەستٸ وڭ كٶرسەتتٸ.
سەرسەنبٸ كٷنٸ الدىڭعى اپتالارداعىداي ەڭ كٶپ ناۋقاس الماتى قالاسىندا (423) تٸركەلدٸ. نۇر-سۇلتاندا 281 ادامعا كوروناۆيرۋس جۇققانى تەستپەن دەلەلدەندٸ. قالعان قالالار مەن وبلىستاردا 200-دەن از ناۋقاس انىقتالدى.
2020 جىلدىڭ ناۋرىز ايىنان بەرٸ 898 مىڭ ادامنىڭ كوروناۆيرۋس تەستٸ وڭ شىققان. باسىم بٶلٸگٸ جازىلعان. 11 422-ٸ قايتىس بولعان. 5 قازاندا 33 ادام كوروناۆيرۋستان كٶز جۇمعان.
5 قازاندا 202 ادامعا كوروناۆيرۋس پنەۆمونيياسى دەگەن دياگنوز قويىلعان. پنەۆمونييانىڭ كوروناۆيرۋس ۇقساس تٷرٸن قازاقستان بيلٸگٸ حالىقارالىق ۇيىمداردىڭ قىسىمىنىڭ نەتيجەسٸندە 2020 جىلدىڭ 1 تامىزىنان باستاپ ەسەپكە الا باستاعان. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
سودان بەرٸ رەسمي مەلٸمەت بويىنشا, 76 مىڭ ادام كوروناۆيرۋس پنەۆمونيياسىنا شالدىققان. 4881-ٸ قايتىس بولعان. التاۋى 5 قازاندا كٶز جۇمعان.
دەنساۋلىق ساقتاۋ مينيسترٸ الەكسەي تسوي سەرسەنبٸلٸك بريفينگ كەزٸندە اۋرۋ ٶسٸمٸ ٶتكەن ايمەن سالىستىرعاندا 2,4 ەسە تٶمەندەگەنٸن مەلٸمدەدٸ. قازٸر رەسپۋبليكا بويىنشا 55 مىڭعا جۋىق ناۋقاس كوروناۆيرۋستان ەمدەلٸپ جاتىر. 9,5 مىڭ ناۋقاس ستاتسيوناردا جاتىر.
قازٸر 6,77 ميلليون ادام كوروناۆيرۋسقا قارسى ۆاكتسينانىڭ تولىق دوزاسىن العان. 1 ملن ادام ەكٸنشٸ دوزاسىن كٷتٸپ وتىر. مينيستر الەكسەي تسوي ەلگە باتىس كومپانييالارى ەزٸرلەگەن Pfizer ۆاكتسيناسى تٶرتٸنشٸ توقساندا جەتكٸزٸلەدٸ دەپ حابارلادى. ول نەگٸزٸنەن 12 جاستان باستاپ بالالار مەن جاسٶسپٸرٸمدەرگە, جٷكتٸ ەيەلدەرگە سالىنۋى تيٸس.
قازٸر قازاقستاندا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), وتاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن Hayat-Vax پەن قىتايدا ٶندٸرٸلگەن Vero Cell ەكپەسٸ, سونىمەن بٸرگە تاعى بٸر قىتايلىق Sinovac كومپانيياسىنىڭ CoronaVac ەكپەسٸ قولدانىلادى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە 236 ميلليوننان استام ادامعا كوروناۆيرۋس جۇققان, 4,8 ميلليونى قايتىس بولعان.
