28 قىركٷيەكتە قازاقستاندا 1925 ادامنىڭ اناليزٸنەن كوروناۆيرۋس انىقتالدى.
الماتىدا – 426, نۇر-سۇلتاندا – 196, الماتى وبلىسىندا – 181, قاراعاندى وبلىسىندا - 174, پاۆلودار وبلىسىندا – 144, قوستاناي وبلىسىندا 104 ناۋقاس تٸركەلگەن.
دەنساۋلىق ساقتاۋ مينيسترلٸگٸنٸڭ حابارلاۋىنشا, تامىزدان بەرٸ قازاقستاندا كوروناۆيرۋس جۇقتىرعاندار ازايىپ كەلەدٸ. ۆەدومستۆو باسشىسى الەكسەي تسوي بٸر كٷن بۇرىن كەيٸنگٸ ەكٸ اپتادا اۋرۋ ٶسٸمٸ 36 پايىزعا ازايدى دەپ مەلٸمدەگەن.
ٸندەت باستالعالى بەرٸ 882 مىڭ ادامنىڭ پتر تەستٸ وڭ شىققان. 11 142-ٸ قايتىس بولعان. 27 قىركٷيەكتە 42 ادام كٶز جۇمدى.
دەنساۋلىق ساقتاۋ مينيسترلٸگٸ بىلتىر تامىزدان بەرٸ ەسەپكە الا باستاعان كوروناۆيرۋس پنەۆمونيياسىنا شالدىققاندار 75 مىڭ ادامعا جەتتٸ. 4817-ٸ قايتىس بولعان. 27 قىركٷيەكتە كوروناۆيرۋس پنەۆمونيياسىنا شالدىققاندار اراسىندا 10 ادام ٶلٸمٸ تٸركەلدٸ.
قازٸر ٷش وبلىس پەن ەكٸ قالا كوروناۆيرۋستىڭ تاراۋى بويىنشا "قىزىل ايماقتا" تۇر: نۇر-سۇلتان مەن الماتى قالالارى, پاۆلودار, اقمولا جەنە قاراعاندى وبلىستارى. تٷركٸستان, جامبىل, ماڭعىستاۋ جەنە قىزىلوردا وبلىستارى "جاسىل ايماقتا". قالعانى "سارىدا" تۇر.
سونداي-اق, ەلدە 61 مىڭ ادام كوروناۆيرۋستان ەمدەلٸپ جاتىر. 10 مىڭى – اۋرۋحانادا. 848 ادامنىڭ جاعدايى اۋىر. 207 پاتسيەنت حەل ٷستٸندە جاتىر. 126 ادام جاساندى تىنىس اپپاراتىنا قوسىلعان.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, تامىزدىڭ سوڭىنان بەرٸ ناۋقاستاردىڭ ازايۋىنا بايلانىستى قازاقستاندا 57 كوۆيد ستاتسيونارى جابىلعان.
6,5 ملن ادام كوروناۆيرۋسقا قارسى ۆاكتسينانىڭ تولىق دوزاسىن العان. 1 ملن ادام ەكٸنشٸ دوزاسىن كٷتٸپ وتىر.
