28 qyrkúiekte Qazaqstanda 1925 adamnyń analizinen koronavirýs anyqtaldy.
Almatyda – 426, Nur-Sultanda – 196, Almaty oblysynda – 181, Qaraǵandy oblysynda - 174, Pavlodar oblysynda – 144, Qostanai oblysynda 104 naýqas tirkelgen.
Densaýlyq saqtaý ministrliginiń habarlaýynsha, tamyzdan beri Qazaqstanda koronavirýs juqtyrǵandar azaiyp keledi. Vedomstvo basshysy Aleksei Tsoi bir kún buryn keiingi eki aptada aýrý ósimi 36 paiyzǵa azaidy dep málimdegen.
Indet bastalǵaly beri 882 myń adamnyń PTR testi oń shyqqan. 11 142-i qaitys bolǵan. 27 qyrkúiekte 42 adam kóz jumdy.
Densaýlyq saqtaý ministrligi byltyr tamyzdan beri esepke ala bastaǵan koronavirýs pnevmoniiasyna shaldyqqandar 75 myń adamǵa jetti. 4817-i qaitys bolǵan. 27 qyrkúiekte koronavirýs pnevmoniiasyna shaldyqqandar arasynda 10 adam ólimi tirkeldi.
Qazir úsh oblys pen eki qala koronavirýstyń taraýy boiynsha "qyzyl aimaqta" tur: Nur-Sultan men Almaty qalalary, Pavlodar, Aqmola jáne Qaraǵandy oblystary. Túrkistan, Jambyl, Mańǵystaý jáne Qyzylorda oblystary "jasyl aimaqta". Qalǵany "saryda" tur.
Sondai-aq, elde 61 myń adam koronavirýstan emdelip jatyr. 10 myńy – aýrýhanada. 848 adamnyń jaǵdaiy aýyr. 207 patsient hál ústinde jatyr. 126 adam jasandy tynys apparatyna qosylǵan.
Densaýlyq saqtaý ministrliginiń málimetinshe, tamyzdyń sońynan beri naýqastardyń azaiýyna bailanysty Qazaqstanda 57 kovid statsionary jabylǵan.
6,5 mln adam koronavirýsqa qarsy vaktsinanyń tolyq dozasyn alǵan. 1 mln adam ekinshi dozasyn kútip otyr.
