بيىل سۋ تاسقىنىنا قارسى ٸس-شارالارعا شامامەن 160 ملرد تەڭگە بٶلۋ كٶزدەلگەن. بۇل تۋرالى قر تجم تٶتەنشە جاعدايلاردىڭ الدىن الۋ دەپارتامەنتٸنٸڭ باستىعى رٷستەمبەك ەمرين ايتتى, دەپ حابارلايدى قازاقپارات.
«2021-2022 جىلدارعا ارنالعان سۋ تاسقىنىنا قارسى ٸس-شارالار جول كارتاسىن جٷزەگە اسىرۋ اياسىندا شامامەن 2 ملرد تەڭگە جۇمسالدى. 2022 جىلى ارنالاردى تەرەڭدەتۋ, جاعالاۋلاردى نىعايتۋ, گيدروتەحنيكالىق قۇرىلعىلاردى جٶندەۋ بويىنشا 68 ٸس-شارانى جٷزەگە اسىرۋ جوسپارلانعان. ولارعا شامامەن 160 ملرد تەڭگە كٶزدەلٸپ وتىر», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ٸس-شارا بارىسىندا قر تجم تٶتەنشە جاعدايلاردى جويۋ دەپارتامەنتٸنٸڭ باستىعى قاھارمان ورازالين ٸزدەۋ-قۇتقارۋ جۇمىستارىنا كٶمەكتەسەتٸن ۆولونتەرلٸك ۇيىمدارعا ريزاشىلىعىن بٸلدٸردٸ.
«مينيسترلٸك 66 ۆولونتەرلٸك ۇيىممەن جۇمىس ٸستەيدٸ. ولارمەن مەموراندۋمدارعا قول قويىلىپ, ٸس-قيمىل الگوريتمٸ بەكٸتٸلگەن. ٶتكەن جىلى ولار 570 ٸزدەۋ-قۇتقارۋ وپەراتسيياسىنا قاتىستى», - دەدٸ ول.
