Biyl sý tasqynyna qarsy is-sharalarǵa shamamen 160 mlrd teńge bólý kózdelgen. Bul týraly QR TJM Tótenshe jaǵdailardyń aldyn alý departamentiniń bastyǵy Rústembek Ámrin aitty, dep habarlaidy QazAqparat.
«2021-2022 jyldarǵa arnalǵan sý tasqynyna qarsy is-sharalar jol kartasyn júzege asyrý aiasynda shamamen 2 mlrd teńge jumsaldy. 2022 jyly arnalardy tereńdetý, jaǵalaýlardy nyǵaitý, gidrotehnikalyq qurylǵylardy jóndeý boiynsha 68 is-sharany júzege asyrý josparlanǵan. Olarǵa shamamen 160 mlrd teńge kózdelip otyr», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar is-shara barysynda QR TJM Tótenshe jaǵdailardy joiý departamentiniń bastyǵy Qaharman Orazalin izdeý-qutqarý jumystaryna kómektesetin volonterlik uiymdarǵa rizashylyǵyn bildirdi.
«Ministrlik 66 volonterlik uiymmen jumys isteidi. Olarmen memorandýmdarǵa qol qoiylyp, is-qimyl algoritmi bekitilgen. Ótken jyly olar 570 izdeý-qutqarý operatsiiasyna qatysty», - dedi ol.
