ستۋدەنتتەر جاتاقحاناسىنىڭ جەتٸسپەۋشٸلٸگٸ نۇر-سۇلتان جەنە الماتى قالالارىندا بايقالىپ تۇر. بۇل تۋرالى مەجٸلٸستٸڭ جالپى وتىرىسىندا دەپۋتات ەلنۇر بەيسەنباەۆ ايتتى, دەپ حابارلايدى قازاقپارات.
«ەلٸمٸزدەگٸ جاستاردىڭ باسىم بٶلٸگٸن ستۋدەنتتەر قۇرايدى. مەملەكەت باسشىسىنىڭ باستاماسىمەن بٶلٸنٸپ جاتقان گرانتتاردىڭ سانى, سونداي-اق تەگٸن تەحنيكالىق بٸلٸم بەرۋدٸڭ ەدەۋٸر كٶبەيۋٸ جىلدان-جىلعا ستۋدەنتتەردٸڭ ٶسۋٸنە الىپ كەلۋدە. دەگەنمەن, سول جاس ستۋدەنت ٷشٸن جاتاقحانا مەسەلەسٸ شەشٸمٸن تابار ەمەس. Cتۋدەنتتٸڭ ساپالى بٸلٸم الۋى ٷشٸن, ونىڭ جاتاقحانامەن قامتاماسىز ەتٸلۋٸنٸڭ ماڭىزى زور. ەلٸمٸزدە 1,1 ميلليوننان استام ستۋدەنت بٸلٸم الادى. ونىڭ تەك 16 پايىزى عانا (174 مىڭ) جاتاقحانامەن قامتاماسىز ەتٸلگەن. قازٸردٸڭ ٶزٸندە جاتاقحانا جەتٸسپەۋشٸلٸگٸ 80 مىڭ ورىندى قۇراپ وتىر. بۇل مەسەلەنٸ ۋاقىتىندا شەشۋ ٷشٸن ەلباسى 2022 جىلدىڭ سوڭىنا دەيٸن ستۋدەنتتەرگە ارناپ 75 مىڭ ورىندىق جاڭا جاتاقحانا سالۋدى تاپسىرعان. بٸراق, ايماقتارعا كەلەتٸن بولساق, باستاما ەركەلكٸ جٷزەگە اسۋدا. ەسٸرەسە, cتۋدەنتتەر جاتاقحاناسىنىڭ ەڭ ٷلكەن جەتٸسپەۋشٸلٸگٸ نۇر-سۇلتان جەنە الماتى قالالارىنا تيەسٸلٸ», - دەدٸ ە. بەيسەنباەۆ قر پرەمەر-مينيسترٸنٸڭ ورىنباسارى ەرالى توعجانوۆتىڭ اتىنا جولداعان دەپۋتاتتىق ساۋالىندا.
ونىڭ ايتۋىنشا, الماتى قالاسىندا 170 مىڭعا جۋىق (38 ۋنيۆەرسيتەت, جوو) ستۋدەنت بٸلٸم السا, ونىڭ تەك 31 مىڭى عانا جاتاقحانامەن قامتىلعان. دەل قازٸردٸڭ ٶزٸندە الماتى قالاسى بويىنشا جاتاقحانا جەتٸسپەۋشٸلٸگٸ 35 مىڭ ورىندى قۇراپ وتىر. جوعارىدا بەرٸلگەن تاپسىرماعا سەيكەس, الماتىدا 2022 جىلدىڭ سوڭىنا دەيٸن ۋنيۆەرسيتەتتەردە 16 مىڭ ورىندىق 38 جاتاقحانا قۇرىلىسى اياقتالۋى قاجەت. بٸراق, سوڭعى ٷش جىلدىڭ ٶزٸندە 1600 ورىنعا جۋىق تەك 6 ستۋدەنتتٸك جاتاقحانا بوي كٶتەردٸ.
«جوعارىدا كٶتەرٸلگەن مەسەلەلەرگە بايلانىستى, ٷكٸمەت تاراپىنان جاتاقحانا سالۋ بويىنشا سۇراقتاردى جٷيەلٸ تٷردە شەشۋدٸ ۇسىنامىز. بٸرٸنشٸدەن, ستۋدەنتتٸك جاتاقحانالاردى اسا ماڭىزدى ەلەۋمەتتٸك نىسان رەتٸندە قاراستىرىپ, ەكٸمدٸكتەر تاراپىنان جەردٸ بٶلۋ, سونداي-اق قۇرىلىستى باستاۋ ٷشٸن قاجەتتٸ قۇجاتتاردى رەتتەۋ بويىنشا جۇمىستاردى بيۋروكراتيزمگە اينالدىرماي شەشۋ جولدارىن قاراستىرۋدى سۇرايمىز. ەكٸنشٸدەن, ەلٸمٸز بويىنشا ەڭ كٶپ ۋنيۆەرسيتەتتەر ورنالاسقان الماتى قالاسىندا سەيسميكالىق تالاپتارعا ساي 9-10 قاباتتى جاتاقحانالار سالۋ مەسەلەسٸن قاراستىرۋ كەرەك. ٷشٸنشٸدەن, ەلٸمٸزدٸڭ ەڭ ٸرٸ پەداگوگيكالىق ۋنيۆەرسيتەتٸنٸڭ جاتاقحانا سالۋعا ارنالعان تيٸستٸ جەر مەسەلەسٸن شەشۋ كەرەك. تٶرتٸنشٸدەن, ستۋدەنتتٸك جاتاقحانالاردىڭ زامانعا ساي جابدىقتالۋى مەن ولاردىڭ كەزەكتٸ جٶندەۋ جۇمىستارىن ۋاقىتىندا ٸسكە اسىرۋدى قولعا الۋدى سۇرايمىز», - دەدٸ ەلنۇر بەيسەنباەۆ.
