پرەزيدەنتتٸڭ تاپسىرماسى جەنە «Nur Otan» پارتيياسىنىڭ سايلاۋالدى باعدارلاماسىن ٸسكە اسىرۋ شەڭبەرٸندە ەلٸمٸزدەگٸ جوعارى وقۋ ورىندارى ستۋدەنتتەرٸنٸڭ, ماگيسترانتتارى مەن دوكتورانتتارىنىڭ شەكٸرتاقى كٶلەمٸ وسى جىلدىڭ 1 قىركٷيەگٸنەن باستاپ ارتا تٷستٸ.
قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ تاراتقان اقپاراتقا قاراعاندا, باكالاۆر باعدارلاماسى بويىنشا وقيتىنداردىڭ شەكٸرتاقىسى 20%-عا, ال ماگيسترانتتار مەن دوكتورانتتاردىڭ شەكٸرتاقىسى 15%-عا ۇلعايتىلدى, دەپ حابارلايدى "ۇلت اقپارات".
«باكالاۆردا وقيتىن ستۋدەنتتەردٸڭ شەكٸرتاقىسى 26 186 تەڭگەدەن 31 423 تەڭگەگە دەيٸن ارتتى. پەداگوگيكالىق باعىت بويىنشا وقيتىن جوو ستۋدەنتتەرٸ بۇرىن 42 000 تەڭگە السا, ەندٸ 50 400 تەڭگە الاتىن بولادى. بٸز پرەزيدەنتتٸڭ تاپسىرماسىن ورىنداپ, بولاشاق دەرٸگەرلەردٸڭ ستيپەنديياسىن ەدەۋٸر ارتتىردىق. ولار 26 186 تەڭگەنٸڭ ورنىنا 50 400 تەڭگە الاتىن بولادى. ٶتكەن جىلدىڭ قاڭتار ايىندا مەملەكەت باسشىسىنىڭ تاپسىرماسى بويىنشا شەكٸرتاقى 25%-عا ۇلعايتىلدى. شىن مەنٸندە, سوڭعى ەكٸ جىلدا باكالاۆرياتتا وقيتىن ستۋدەنتتەردٸڭ ستيپەنديياسى شامامەن 2 ەسە ارتتى», - دەدٸ بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
سونىمەن قاتار ماگيسترانتتار, دوكتورانتتار مەن ينتەرندەردٸڭ دە شەكٸرتاقىلارى ارتتى. ەگەر بۇرىن ماگيسترانتتار 66 913 تەڭگە السا, ەندٸ ولاردىڭ اي سايىنعى ستيپەنديياسى 76 950 تەڭگەنٸ قۇرايدى. دوكتورانتتار ستيپەنديياسى 150 000 تەڭگەدەن 172 500 تەڭگەگە دەيٸن, ينتەرندەردە – 47 431 تەڭگەدەن 59 289 تەڭگەگە دەيٸن ٶستٸ.
ايتا كەتەيٸك, بيىل مۇنداي قولداۋ شارالارى «Nur Otan» پارتيياسىنىڭ سايلاۋالدى باعدارلاماسىن ورىنداۋ جٶنٸندەگٸ جول كارتاسى شەڭبەرٸندە جٷزەگە اسىرىلىپ جاتىر.
«ٶزگەرٸستەر مەن تولىقتىرۋلار ٷكٸمەت قاۋلىسىمەن جوعارى وقۋ ورىندارىنىڭ بٸلٸم الۋشىلارىنا مەملەكەتتٸك ستيپەندييالاردى تٶلەۋ, ولاردىڭ مٶلشەرٸ جەنە تاعايىنداۋ ەرەجەسٸنە ەنگٸزٸلدٸ»,-دەلٸنگەن قر بعم باسپاسٶز قىزمەتٸ تاراتقان اقپاراتتا.
