فوتو: قر تسم
تٷركٸستان قالاسىندا مەملەكەت باسشىسىنىڭ تاپسىرماسىن ورىنداۋ اياسىندا بٸرەگەي سپورت نىسانى – ەسۋ ارناسى پايدالانۋعا بەرٸلدٸ, دەپ حابارلايدى Ult.kz.
سپورت كەشەنٸنٸڭ ورتالىق ازييادا تەڭدەسٸ جوق جەنە تولىقتاي حالىقارالىق كانوە فەدەراتسيياسى (ICF) مەن حالىقارالىق اكادەمييالىق ەسۋ فەدەراتسيياسىنىڭ (FISA) ستاندارتتارىنا سەيكەس كەلەدٸ.
نىساننىڭ اشىلۋ سالتاناتىنا قازاقستانعا ارنايى كەلگەن ICF پرەزيدەنتٸ توماس كونيەتستسكو سپورت كەشەنٸنە جوعارى باعاسىن بەردٸ.
«بٷگٸن مەملەكەت باسشىسىنىڭ تاپسىرماسى بويىنشا ەلٸمٸزدەگٸ ەڭ ٸرٸ سپورت نىساندارىنىڭ بٸرٸن اشىپ وتىرمىز. قۇرىلىسى حالىقارالىق تالاپتارعا ساي جٷرگٸزٸلگەن بۇل سپورت كەشەنٸندە ەندٸ حالىقارالىق جارىستاردى قابىلداي الامىز. نىسان تەك كەسٸبي سپورتشىلارعا عانا ەمەس, قالا تۇرعىندارىنا دا قولجەتٸمدٸ. ٶڭٸر تۇرعىندارى ٷشٸن مۇندا ۆولەيبول, فۋتبول, باسكەتبول الاڭدارى مەن قالالىق جاعاجاي اشىلادى», – دەدٸ تۋريزم جەنە سپورت مينيسترٸ ەربول مىرزابوسىنوۆ سالتاناتتى اشىلۋ رەسٸمٸندە.
قازٸرگٸ تاڭدا ەلٸمٸزدٸڭ 12 ٶڭٸرٸندە اكادەمييالىق ەسۋ, بايداركا مەن كانوەدە ەسۋ, ەسۋ سلالومى سپورتى دامىپ كەلەدٸ. بۇل سپورت تٷرلەرٸمەن جٷيەلٸ تٷردە 6 131 ادام اينالىسادى. ولارمەن 174 جاتتىقتىرۋشى جۇمىس ٸستەيدٸ.
اكادەمييالىق ەسۋ – ەڭ كٶپ مەدال جٷلدە ساراپقا سالىناتىن سپورت تٷرلەرٸنٸڭ بٸرٸ. مەسەلەن, وليمپيادادا 14 جيىنتىق مەدال ٷلەستٸرٸلەدٸ. ال ەلەم چەمپيوناتتارىندا 20-دان اسا باعدارلاما بار. وسىلايشا بٸر ەلدٸڭ سپورتشىسى بٸر مەزەتتە بٸرنەشە ساناتتا جٷلدە الىپ, ٶز مىقتىلىعىن دەلەلدەي الادى. بٸرنەشە باعدارلاما ارقاسىندا اكادەمييالىق ەسۋ ەرٸ جەكە شەبەرلٸكتٸ, ەرٸ كوماندالىق جۇمىستى دامىتۋعا مٷمكٸندٸك بەرەدٸ.
فوتو: قر تسم
تٷركٸستانداعى ەسۋ ارناسىنىڭ جالپى اۋماعى – 100 گەكتار, ۇزىندىعى شامامەن 2,5 شاقىرىم. بٸرەگەي سپورت كەشەنٸ اكادەمييالىق ەسۋ, بايداركا مەن كانوە بويىنشا ەلەمدٸك دەڭگەيدەگٸ جارىستاردان باستاپ ەلەم جەنە ازييا كۋبوگٸنە دەيٸنگٸ تۋرنيرلەردٸ ٶتكٸزۋگە جەنە سپورتشىلاردىڭ تۇراقتى جاتتىعۋ جاساۋىنا مٷمكٸندٸك بەرەدٸ. سونىمەن قاتار ارنا سۋى قالاداعى سۋارمالى جٷيەگە, جاسىل بەلدەۋدٸ سۋارۋعا قولدانىلادى. ال ارنا اۋماعىندا ۇزىندىعى 1 شاقىرىمدىق قالالىق جاعاجاي, قوناق ٷي, كٶرەرمەندەرگە ارنالعان تريبۋنا ورنالاسقان.
جوبا تٷركٸستاننىڭ سپورتتىق, ەكولوگييالىق جەنە تۋريستٸك دامۋىنا زور ٷلەس قوسادى ەرٸ ەلٸمٸزدەگٸ اكادەمييالىق ەسۋ سپورتىنىڭ جان-جاقتى ٶركەندەۋٸنە جاعداي جاسايدى. تٷركٸستانداعى ەسۋ ارناسى ۇلتتىق قۇرامالاردى دايارلايتىن جەنە جاس سپورتشىلاردى تەربيەلەيتٸن نەگٸزگٸ ينفراقۇرىلىمدىق ورتالىققا اينالماق.
ايتا كەتەيٸك, سپورت ينفراقۇرىلىمىن دامىتۋ – مەملەكەتتٸك ساياساتتىڭ باسىم باعىتتارىنىڭ بٸرٸ. بيىل جىل سوڭىنا دەيٸن تاعى بٸر ٸرٸ نىسان – استاناداعى ۇلتتىق سپورت ۋنيۆەرسيتەتٸ پايدالانۋعا بەرٸلەدٸ دەپ جوسپارلانعان.
