بيىل يندۋسترييالاندىرۋ جوبالارىندا 17 مىڭ تۇراقتى جۇمىس ورنى قۇرىلدى. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتىپ بەردٸ, دەپ حابارلايدى قازاقپارات.
«جىل سايىن يندۋسترييالاندىرۋ كارتاسى اياسىندا جوبالار ٸسكە قوسىلادى. 2015-2019 جىلدارى ٸشٸندە 5,2 ترلن تەڭگەگە 556 جوبا ەنگٸزٸلدٸ, 85 مىڭ تۇراقتى جۇمىس ورنى قۇرىلدى. ال 2020 جىلى ەكٸمدٸكتەردٸڭ دەرەكتەرٸ بويىنشا 17 مىڭنان استام تۇراقتى جۇمىس ورنىن قۇرىپ, 1,1 ترلن تەڭگەگە 160 جوبانى ٸسكە قوسۋ جوسپارلانۋدا», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن ەسەپ بەرۋ بريفينگٸندە.
مينيستردٸڭ ايتۋىنشا, يندۋسترييالاندىرۋ جىلدارى ٶڭدەۋشٸ ٶنەركەسٸپ سالالارىن دامىتۋدا ايتارلىقتاي ٶزگەرٸستەر بولدى.
«مىسالى, جەڭٸل ٶنەركەسٸپتە شاعىن جەنە ورتا بيزنەستٸ ىنتالاندىرا وتىرىپ, بٸز وسى سالانى ٸس جٷزٸندە قايتا جانداندىرا الدىق. قازٸرگٸ ۋاقىتتا ەلٸمٸزدە ماتا, كٸلەم, بالالار مەن ەرەسەكتەر كيٸمٸ, شۇلىق ٶنٸمدەرٸ, اياق كيٸم, باس كيٸم جەنە تاعى دا باسقا تاۋارلار ٶندٸرٸلەدٸ. بۇل رەتتە ولاردىڭ ساپاسى يمپورتتىق ٶنٸمنەن كەم تٷسپەيدٸ, كەيدە ودان دا اسىپ تٷسەدٸ», - دەدٸ ب. اتامقۇلوۆ.
مينيستردٸڭ ايتۋىنشا, قازاقستاندا ٶڭدەۋ ٶنەركەسٸبٸندە 1 مىڭنان استام كومپانييا جۇمىس ٸستەيدٸ, وندا 17,9 مىڭ ادام ەڭبەك ەتەدٸ.
