قازاقستاننىڭ باس مەملەكەتتٸك سانيتار دەرٸگەرٸ ايجان ەسماعامبەتوۆا الداعى ۋاقىتتا قازاقستان ٶكپەنٸ جاساندى جەلدەتۋگە ارنالعان 879 اپپارات ساتىپ الۋدى كٶزدەپ وتىرعانىن مەلٸم ەتتٸ, دەپ حابارلايدى "ۇلت اقپارات".
«قازٸرگٸ تاڭدا ەلٸمٸزدەگٸ دەنساۋلىق ساقتاۋ ۇيىمدارىندا 3 مىڭ ٶكپەنٸ جاساندى جەلدەتۋ اپپاراتى بار. ولار قاجەتتٸلٸككە بايلانىستى ينفەكتسييالىق نەمەسە جانساقتاۋ بٶلٸمدەرٸنە تاراتىلادى. بٷگٸنگٸ كٷنٸ 167 اپپارات ينفەكتسييالىق اۋرۋحانالاردىڭ جانساقتاۋ بٶلٸمدەرٸنە بەرٸلدٸ. سونىمەن قاتار مەديتسينالىق بۇيىمدار پاركٸن جاڭارتۋ ٷشٸن جالپى رەسپۋبليكادا ٶكپەنٸ جاساندى جەلدەتۋگە ارنالعان 879 اپپارات ساتىپ الۋ كٶزدەلٸپ وتىر», - دەدٸ ايجان ەسماعامبەتوۆا وكق-دا ونلاين رەجيمدە ٶتكەن باسپاسٶز مەسليحاتىندا.
باس مەملەكەتتٸك سانيتار دەرٸگەر سۇراقتارعا جاۋاپ بەرە وتىرىپ بٷگٸندە قازاقستاندا كوروناۆيرۋس جۇقتىرعان 652 مەديتسينالىق قىزمەتكەر بارىن مەلٸم ەتتٸ.
«پتر-دياگنوستيكا - كوروناۆيرۋس ينفەكتسيياسى ٷشٸن ٶتە سەزٸمتال. تەستتٸڭ نەتيجەسٸ اعزانىڭ بويىنداعى ۆيرۋستىڭ مٶلشەرٸنە بايلانىستى. ناۋقاس ەندٸ عانا COVID-2019 اۋرۋىنا شالدىققان كەزدە ەلبەتتە, ونىڭ بويىندا كوروناۆيرۋستىڭ مٶلشەرٸ ٶتە از بولادى. ياعني اعزادا ۆيرۋس جەتكٸلٸكتٸ دەرەجەدە جينالماسا – بٸز پتر-تەست ارقىلى ونىڭ ۆيرۋستى جۇقتىرماعانى تۋرالى نەتيجە الۋىمىز مٷمكٸن. ۆيرۋس كٶبەيگەن كەزدە ونىڭ مٶلشەرٸ دا ارتا تٷسەدٸ. وسىدان كەيٸن پتر-تەست ارقىلى ونىڭ بويىندا شىنىندا دا كوروناۆيرۋستىڭ بارىن انىقتاي الامىز. بٷكٸل ەلەمدە وسىلاي. بٸزدە دە كەزدەسەدٸ. ەۋ باستا ۆيرۋستى جۇقتىرماعانى تۋرالى نەتيجە ەكٸنشٸ رەت تەست الىنعاندا ٶزگەرۋٸ مٷمكٸن», - دەدٸ ول.
