فوتو: اقوردا
قازاقستان رەسپۋبليكاسى پرەزيدەنتٸنٸڭ ٶكٸمٸنە سەيكەس 1999 جىلعى 8 قاراشاداعى №90 «قازاقستان رەسپۋبليكاسىنىڭ مەملەكەتتٸك ناگرادالارىمەن ناگرادتاۋعا ۇسىنۋ جەنە ولاردى تاپسىرۋ تەرتٸبٸ تۋرالى نۇسقاۋلىقتى, قازاقستان رەسپۋبليكاسىنىڭ مەملەكەتتٸك ناگرادالارىنا ارنالعان قۇجاتتاردىڭ ٷلگٸلەرٸن جەنە مەملەكەتتٸك ناگرادالار بەلگٸلەرٸنٸڭ سيپاتتاماسىن بەكٸتۋ تۋرالى» ٶكٸمگە ٶزگەرٸستەر مەن تولىقتىرۋلار ەنگٸزٸلدٸ, دەپ حابارلايدى Ult.kz.
ٶزگەرٸستەر ناگرادتاۋعا كانديداتتاردى قاراۋ كەزٸندە اشىقتىقتى, وبەكتيۆتٸلٸكتٸ جەنە ەدٸلدٸكتٸ قامتاماسىز ەتۋگە باعىتتالعان. نۇسقاۋلىقتىڭ جاڭا رەداكتسيياسىندا قۇجاتتاردى رەسٸمدەۋ جەنە كانديداتتاردىڭ ەڭبەگٸن باعالاۋ كريتەرييلەرٸنە قاتىستى نەگٸزگٸ ەرەجەلەر ناقتىلاندى.
اتاپ ايتقاندا, ناگرادتاۋ قاعازىن رەسٸمدەۋگە قويىلاتىن تالاپتار تولىقتىرىلدى. وندا مٸندەتتٸ تٷردە ەڭبەك جولى, ەل مەن حالىق الدىنداعى ناقتى ەڭبەكتەرٸ, سونداي-اق قىلمىستىق قۇقىقبۇزۋشىلىقتار تۋرالى مەلٸمەتتەر ولاردىڭ جاسالعان ۋاقىتىنا قاراماستان كٶرسەتٸلەتٸن بولادى. جەكەلەگەن جاعدايلاردا ٸشكٸ ٸستەر ورگاندارىنان مٸنەزدەمە تالاپ ەتٸلەدٸ.
كٶپبالالى انالاردى ناگرادتاۋعا قويىلاتىن تالاپتار رەتكە كەلتٸرٸلدٸ. ناگرادتاۋ تەك قازاقستان رەسپۋبليكاسىنىڭ ازاماتى بولىپ تابىلاتىن كٶپبالالى انالارعا بەرٸلەدٸ. ناگرادتاۋ قاعازىن رەسٸمدەۋ كەزٸندە كٶپبالالى انانىڭ ٶزگە مەملەكەت ازاماتى بولىپ تابىلاتىن بالالارى پاسپورتتارىنىڭ كۋەلاندىرىلعان كٶشٸرمەلەرٸ جەنە فوتوسۋرەتتەرٸ قوسا بەرٸلۋٸ كەرەك.
ايتا كەتۋ كەرەك, نۇسقاۋلىققا سەيكەس مەملەكەتتٸك ناگرادالاردىڭ كٶشٸرمەلەرٸن (دۋبليكاتتارىن) دايىنداۋ كەزٸندە قىمبات باعالى مەتالدار قولدانىلمايدى.
مەملەكەتتٸك ناگرادالارعا قۇقىقتى قالپىنا كەلتٸرۋ مٷمكٸندٸگٸ ۋەكٸلەتتٸ ورگانداردىڭ ٶتٸنٸشٸ بويىنشا, سوت اكتٸلەرٸن قوسا العاندا, راستايتىن قۇجاتتار ۇسىنىلعان جاعدايدا قامتاماسىز ەتٸلەدٸ.
قابىلدانعان ٶزگەرٸستەر ناگرادتاۋعا ۇسىنۋ رەسٸمٸن رەتكە كەلتٸرۋگە جەنە مەملەكەتتٸك ناگرادالار ينستيتۋتىنا دەگەن سەنٸمدٸ ارتتىرۋعا باعىتتالعان.
