قازاقستاننىڭ 9 وبلىسى مەن رەسپۋبليكالىق ماڭىزى بار نۇر-سۇلتان, الماتى جەنە شىمكەنت قالالارىندا قر پارلامەنتٸ مەجٸلٸسٸ مەن مەسليحاتتار دەپۋتاتتارىنا داۋىس بەرۋ باستالدى, دەپ حابارلايدى "ۇلت اقپارات".
كونستيتۋتسييالىق مەرزٸمگە ساي ٶتٸپ جاتقان مەجٸلٸس سايلاۋىنا ەلٸمٸزدە تٸركەلگەن 5 ساياسي پارتييا, اتاپ ايتقاندا, «اۋىل» حالىقتىق-دەموكراتييالىق پاتريوتتىق پارتيياسى, «Nur Otan» پارتيياسى, «ADAL» ساياسي پارتيياسى, قازاقستاننىڭ «اق جول» دەموكراتييالىق پارتيياسى, «قازاقستاننىڭ حالىق پارتيياسى» دەپۋتاتتىق مانداتتان ٷمٸتتٸ. بۇل پارتييالار بارلىق دەڭگەيدەگٸ جەرگٸلٸكتٸ مەسليحاتتارعا دا ٶز كانديداتتارىن ۇسىنعان.
مەجٸلٸسكە 5 پارتييادان بارلىعى 312 كانديدات, ونىڭ ٸشٸندە: «اۋىل» حالىقتىق-دەموكراتييالىق پاتريوتتىق پارتيياسىنان 19; «Nur Otan» پارتيياسىنان 126; «ADAL» ساياسي پارتيياسىنان 16; قازاقستاننىڭ «اق جول» دەموكراتييالىق پارتيياسىنان 38 جەنە «قازاقستاننىڭ حالىق پارتيياسىنان» 113 ادام بار.
ال جەرگٸلٸكتٸ مەسليحاتتارعا 832, ونىڭ ٸشٸندە «اۋىل» حدپپ-نان – 158, «Nur Otan» پارتيياسىنان - 216, «ADAL» سپ-نان – 215, «اق جول» قدپ-نان – 174, «قازاقستان حالىق پارتيياسىنان» 69 پارتييالىق تٸزٸم تٸركەلدٸ.
سايلاۋ تۋرالى كونستيتۋتسييالىق زاڭعا سەيكەس, داۋىس بەرۋ ۋاقىتى ستاندارتتى (ساعات 7.00-20.00 ارالىعى) بولادى.
باتىس قازاقستان, اقتٶبە, اتىراۋ, ماڭعىستاۋ, قىزىلوردا وبلىستارىندا ۋاقىت ايىرماشىلىعىنا بايلانىستى سايلاۋ ۋچاسكەلەرٸ جەرگٸلٸكتٸ ۋاقىت بويىنشا ساعات 07.00-دە - نۇر-سۇلتان ۋاقىتى بويىنشا ساعات 08.00-دە اشىلادى.
