ماشينا جاساۋ سالاسىن دامىتۋدى كٶزدەيتٸن, 2019-2024 جىلدارعا ارنالعان جول كارتاسى بويىنشا قازاقستاندىق ماشينا جاساۋشى جەنە قۇراۋشى كەسٸپورىندارعا بٸرقاتار جەڭٸلدٸكتەر مەن باسىمدىقتار بەرٸلگەلٸ وتىر. بۇل تۋرالى نۇر-سۇلتاندا ٶتٸپ جاتقان قازاقستان ماشينا جاساۋشىلارىنىڭ VII فورۋمىندا يندۋسترييا جەنە ينفراقۇرىلىمدىق دامۋ مينيسترٸ امانيياز ەرجانوۆ ايتىپ بەردٸ, دەپ حابارلايدى قازاقپارات.
«كٶرشٸ رەسەي مەملەكەتٸ اۆتوٶندٸرۋشٸ كەسٸپورىندارعا باسا ماڭىز بەرٸپ, ولارعا سالىقتىق جەڭٸلدٸكتەر بەرٸپ قويعان. مەسەلەن, وندا جولاۋشىلارعا ارنالعان ماشينالاردى جاساۋشىلار قوسىمشا قۇن سالىعىنان بوساتىلعان. وسى جەڭٸلدٸكتەر مەن مەملەكەتتٸك قولداۋعا قايتارىم رەتٸندە رەسەيلٸك كەسٸپورىنداردىڭ ٶزٸندٸك مٸندەتٸ دە بارشىلىق. كٶرشٸ ەلدٸڭ تەجٸريبەسٸن ەسكەرە وتىرىپ, ماشينا جاساۋشىلاردى قولداۋعا ارنالعان جول كارتاسىن قابىلدادىق. اتلامىش قۇجات كەلەسٸ جەڭٸلدٸكتەردٸ قاراستىرعالى وتىر: بٸرٸنشٸدەن, ماشينا جاسايتىن كەسٸپورىندارعا سالىقتىق جەڭٸلدٸكتەر بەرٸلەدٸ. بۇعان قايتارىم رەتٸندە كەسٸپورىندارعا مٸندەتتەمەلەر جٷكتەلەدٸ. بۇل باعىتتاعى قادام سالاعا جاڭا ينۆەستورلاردى تارتىپ, ٶندٸرٸس كٶلەمٸنە قوسىمشا 80-100 ملرد تەڭگەلٸك ٶسٸمدٸ قامتاماسىز ەتەدٸ», - دەدٸ ۆيتسە-مينيستر.
امانيياز ەرجانوۆ سونداي-اق, سالانى كەشەندٸ تٷردە دامىتۋ ٷشٸن ارنايى «ٶنەركەسٸپتٸك ساياسات جەنە ٶنەركەسٸپتٸك دامۋ قورىن قۇرۋ تۋرالى» زاڭ جوباسى ەزٸرلەنەتٸنٸن اتاپ ٶتتٸ.
«اتالعان شارالار جٷرگٸزٸلٸپ جاتقان ٶنەركەسٸپتٸك ساياساتتىڭ تيٸمدٸلٸگٸن ارتتىرۋعا مٷمكٸندٸك بەرەدٸ. ٷشٸنشٸدەن, شيكٸزاتتان دايىن ٶنٸمگە دەيٸنگٸ ناقتى ٶندٸرٸستٸك قاتاردى قالىپتاستىرۋعا كٷش سالۋ كەرەك. وسى رەتتە رەسەيلٸك تەجٸريبە بويىنشا وتاندىق كەسٸپورىنداردى ققس-تان بوساتۋ جەنە ولارعا شيكٸزاتتى ارزان باعامەن بەرۋ ەدٸسٸن ەنگٸزگەن جٶن بولادى», - دەدٸ ول.
ەسكە سالا كەتسەك, نۇر-سۇلتاندا قازاقستان ماشينا جاساۋشىلارىنىڭ VII فورۋمى ٶتٸپ جاتىر. فورۋمدى قر يندۋسترييا جەنە ينفراقۇرىلىمدىق دامۋ مينيسترلٸگٸ مەن قازاقستان ماشينا جاساۋشىلار وداعى, «سامۇرىق-قازىنا» ۇەق» اق ۇيىمداستىرعان. بيىل فورۋم «ماشينا جاساۋ – قازاقستاندى يندۋسترييالاندىرۋ درايۆەرٸ» ۇرانىمەن ٶتەدٸ.
جىل سايىن فورۋمعا گەرمانييا, اقش, جاپونييا, يتالييا, چەحييا, رەسەي, قىتاي سەكٸلدٸ ٸرٸ 20 مەملەكەتتٸڭ دەلەگاتتارى قاتىسادى. وسىلايشا, وتاندىق كەسٸپورىندار ەلدەن شىقپاي-اق شەتەلدٸك ەرٸپتەستەرٸمەن كەزدەسۋ ٶتكٸزۋگە مٷمكٸندٸك الادى.
