ەلٸمٸزدە كٷزەت قىزمەتٸمەن اينالىساتىن جەكە ۇيىمدارعا ليتسەنزييانى كٸم بەرەدٸ جەنە ول قانداي تالاپپەن بەرٸلەدٸ? بۇل سۇراققا قر ٸشكٸ ٸستەر مينيسترلٸگٸنٸڭ كٷزەت قىزمەتٸن باقىلاۋ دەپارتامەنتٸنٸڭ ساراپشىسى دانييار سۇلتانوۆ جاۋاپ بەردٸ, دەپ حابارلايدى قازاقپارات.
«ەلٸمٸزدە كٷزەت قىزمەتٸ تۋرالى زاڭناماعا ٶزگەرٸستەر مەن تولىقتىرۋلار ەنگٸزٸلدٸ. تيٸسٸنشە كٷزەت قىزمەتٸمەن اينالىساتىن ۇيىمدار مەن سالا ماماندارىنا قويىلاتىن تالاپ تا ٶزگەردٸ. الدىمەن ۇيىم جەكە كٷزەت قىزمەتٸمەن اينالىسۋ ٷشٸن ٸشكٸ مينيسترلٸگٸنٸڭ ارنايى ليتسەنزيياسىن الۋى كەرەك. سونداي-اق, ول ۇيىمنىڭ كٷزەت سالاسىندا كەم دەگەندە 1 جىل تەجٸريبەسٸ بولۋى تيٸس. جەكە كەڭسەسٸ مەن تيٸستٸ قۇرال-جابدىقتارىنىڭ بولۋىمەن قاتار, كەم دەگەندە 2 جەدەل ەرەكەت توبى بولۋى شارت. ياعني شۇعىل جاعداي تۋىنداعان كەزدە اتالعان 2 توپتىڭ مٷشەلەرٸ جەدەل ەرەكەتكە دايىن بولۋى تيٸس. ەرينە, قىزمەتتٸك كٶلٸكتٸڭ بولۋى دا مٸندەتتٸ», - دەدٸ دانييار سۇلتانوۆ «Kazakhstan Security Systems -2021» اتتى رەسپۋبليكالىق كونفەرەنتسييا بارىسىندا.
سونداي-اق, ٸٸم ٶكٸلٸ كٷزەت قىزمەتٸمەن اينالىساتىن ۇيىمنىڭ جەتەكشٸسٸ ونىڭ قىزمەتٸنە تٸكەلەي جاۋاپتى بولاتىنىن ەسكە سالدى.
«ليتسەنزييا بەرۋ ۋاقىتى جاعىنان ەرتٷرلٸ, سەبەبٸ بۇل ٶتە تيياناقتى تەكسەرۋدٸ تالاپ ەتەتٸن پروتسەسس. ليتسەنزييا بەرٸلمەستەن بۇرىن كٷزەت مەكەمەسٸمەن كەلٸسٸمشارت جاسالادى. اتالعان قىزمەتكە قاتىستى تاعى بٸر ماڭىزدى جايت كٷزەتشٸ مامانداردىڭ دايارلىعى. قىزمەتكەرلەر ٷنەمٸ بٸلٸم-بٸلٸكتەرٸن جەتٸلدٸرٸپ وتىرۋى تيٸس. ولاردىڭ ەسكەري نەمەسە سپورت دەرەجەسٸ بولعانى ابزال. سول سەكٸلدٸ كٷزەت قىزمەتٸمەن اينالىساتىن ۇيىم قاۋٸپسٸزدٸك سالاسىنا قاتىستى زاڭنامالاردى قاتاڭ ساقتاۋى تيٸس, ونىڭ ٸشٸندە تەرروريزمگە قارسى كٷرەس تۋرالى زاڭ دا بار», - دەيدٸ ول.
ودان بٶلەك, ساراپشى كٷزەت قىزمەتٸ جۇمىسىن ٸلگەرٸلەتۋدە پروفيلاكتيكالىق شارالاردىڭ دا ماڭىزعا يە ەكەنٸن العا تارتتى.
