قازاقستاندا قۇراستىرىلعان كٶلٸك قۇنىندا ۋتيلالىم ەشقاشان بولعان ەمەس. بۇل تۋرالى قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ مارات قاراباەۆ ايتتى, دەپ حابارلايدى قازاقپارات.
«بٸزدٸڭ دە جۇمىستا جٸبەرگەن قاتەلٸگٸمٸز بولار, ۋتيلالىم تۋرالى قوعامعا دۇرىس تٷسٸندٸرە المادىق. سونى پايدالانىپ, كەيبٸر قوعام بەلسەندٸلەرٸ ۋتيلالىم تۋرالى قوعامدا شىندىققا جاناسپايتىن پٸكٸر, ۇعىم قالىپتاستىرىپ وتىر. وتاندىق كٶلٸكتٸڭ باعاسىندا ەشقاشان كەدەگە جاراتۋ الىمى بولماعان. بۇل رەتتە مىنا مەسەلەنٸ اتاپ ٶتكەن جٶن. جەڭٸل كٶلٸك جايىندا ايتار بولساق, KIA, Hyundai مودەلدەرٸنە حالىقتىڭ سۇرانىسى جوعارى. قازاقستاندا KIA, Hyundai, Chevrolet, JAC, لادا سيياقتى اۆتوموبيلدەر تولىعىمەن قۇراستىرىلادى. ولاردىڭ ٶندٸرٸسٸ وسىندا قالىپتاسقان. وسى مودەلدەردٸ العاندا حالىق ەشقاشان ۋتيلالىم تٶلەمەگەن», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى رەتتە ول 2021 جىلى ەلٸمٸزدٸڭ نارىعىندا ساتىلعان كٶلٸكتەردٸڭ 65 پايىزى ٶزٸمٸزدە قۇراستىرىلعاندىعىن اتاپ ٶتتٸ.
«ستاتستيكاعا جٷگٸنەر بولساق, بىلتىر نارىقتا ساتىلعان ماشينالاردىڭ 65 پايىزىن وتاندىق كٶلٸكتەر قۇرايدى. بۇل دەگەنٸمٸز نە? ياعني, جاڭا كٶلٸك ساتىپ العان قازاقستاندىقتاردىڭ 65 پايىزى كەدەگە جاراتۋ الىمىن تٶلەگەن جوق. قالعان 35 پايىز يمپورتتىق كٶلٸكتٸڭ باسىم بٶلٸگٸ Mercedes, BMW سيياقتى پرەميۋم ساناتىنداعى ماشينالار. بۇل كٶلٸكتەرگە ۋتيلالىم تٶلەندٸ. بٸراق, تٷسكەن قاراجات ەرتەڭ ەلدٸڭ يگٸلٸگٸنە, ياعني, حالىققا جەڭٸلدەتٸلگەن اۆتونەسيە بەرۋگە جاراتىلادى», - دەدٸ مارات قاراباەۆ.
