قازاقستان ۇلتتىق بانكٸنٸڭ قارجىلىق تۇراقتىلىق جەنە زەرتتەۋلەر دەپارتامەنتٸ ديرەكتورىنىڭ مٸندەتٸن اتقارۋشى ەرۇلان مۇستافين ەلٸمٸزدە كرەديتكە دەگەن سۇرانىس ارتقانىن مەلٸمدەدٸ, دەپ جازادى Ulysmedia.kz.
بانك مەلٸمەتٸنشە, شاعىن جەنە ورتا بيزنەس ٶكٸلدەرٸ تاراپىنان كرەديت الۋعا سۇرانىس جوعارىلاعان.
“ٸٸ توقساندا جٷرگٸزٸلگەن ساۋالناما قورىتىندىسى بويىنشا, كرەديتتٸك رەسۋرستار قۇنىنىڭ ٶسۋٸنە جەنە كرەديتتەۋ تالاپتارىنىڭ بٸرشاما كٷشەيتٸلگەنٸنە قاراماستان, بيزنەس تاراپىنان كرەديتكە دەگەن سۇرانىس ايتارلىقتاي ارتتى. بۇل كٶرسەتكٸش, ەسٸرەسە, شاعىن جەنە ورتا بيزنەس اراسىندا جوعارى.
شاعىن بيزنەس تاراپىنان كرەديتكە سۇرانىستىڭ ٶسۋٸ بانكتەردٸڭ جارتىسىندا, ەلبەتتە, ٸرٸ بانكتەردە بايقالدى. ەسەپتٸ توقساندا كەلٸپ تٷسكەن كرەديتتٸك ٶتٸنٸمدەردٸڭ جالپى سانى توقساننان توقسانعا (بۇدان ەرٸ – ت-ت) 19%-عا – 310 مىڭعا دەيٸن ٶستٸ, ال ٶتٸنٸمنٸڭ ورتاشا مٶلشەرٸ ت/ت 8%-عا – 23,3 ملن تەڭگەگە دەيٸن تٶمەندەدٸ. ٶتٸنٸمدەر سانىنىڭ ٶسۋٸ, ەسٸرەسە, ٸرٸ بانكتەردٸڭ شاعىن بيزنەسكە ارنالعان سكورينگتٸك ونلاين كرەديتتٸك ٶنٸمدەردٸ بەلسەندٸ دامىتۋىمەن, سونداي-اق وسى ٶنٸمدەردٸ جەكەلەگەن بانكتەردٸڭ ٸسكە قوسۋىمەن بايلانىستى. مەملەكەتتٸك باعدارلامالار اياسىندا كرەديتتەۋدٸڭ قايتا جاندانۋ ٷردٸسٸ ەسەپتٸ توقسانداعى سۇرانىسقا وڭ ەسەرٸن تيگٸزدٸ.
بيزنەسكە كرەديت بەرۋ تالاپتارى بٸرشاما كٷشەيدٸ. بيزنەسكە بەرٸلەتٸن كرەديت بويىنشا سىياقى مٶلشەرلەمەسٸنٸڭ, ەڭ الدىمەن, ٸرٸ جەنە ورتا كەسٸپكەرلٸك سۋبەكتٸلەرٸ ٷشٸن ٶسۋٸ توقتاعان جوق.
كەلەسٸ توقساندا جەكەلەگەن بانكتەر ٸرٸ بيزنەس تاراپىنان كرەديتكە سۇرانىستىڭ بٸرشاما ۇلعايۋىن كٷتەدٸ, شوب بويىنشا سۇرانىس يندەكسٸ ورتاشا ەسەپپەن ٸ توقساننىڭ دەڭگەيٸندە ساقتالادى. بانكتەردٸڭ كٶبٸ كەلەسٸ توقساندا بيزنەسكە بەرٸلەتٸن كرەديتتەر بويىنشا سىياقى مٶلشەرلەمەسٸنٸڭ ٶسۋٸن كٷتپەيدٸ.
2022 جىلدىڭ ٸٸ توقسانىندا بٶلشەك قارىزدارعا سۇرانىس يپوتەكالىق قارىز سەگمەنتٸندە ازايدى, ال تۇتىنۋشىلىق قارىزدارعا سۇرانىس ۇلعايدى.
بانكتەر يپوتەكالىق قارىزدارعا سۇرانىستىڭ تٶمەندەۋٸن – جەڭٸلدٸكپەن بەرٸلەتٸن كرەديتتەرگە دەگەن قولجەتٸمدٸلٸكتٸڭ قىسقارۋىمەن, سونداي-اق, حالىقتىڭ نەگٸزگٸ سۇرانىسى ٶتكەن توقساندا 2022 جىلعى 1 سەۋٸردەن باستاپ تۇرعىن ٷي ساتىپ الۋ جەنە/نەمەسە جاعدايىن جاقسارتۋ ماقساتىندا زەينەتاقى جيناقتارىن پايدالانۋ بويىنشا جەتكٸلٸكتٸلٸك شەگٸن ارتتىرۋعا دەيٸن ٶتكەن توقساندا حالىقتىڭ نەگٸزگٸ سۇرانىسىنىڭ ٸسكە اسىرىلعانىمەن بايلانىستىرادى”, – دەلٸنگەن بانك حابارلاماسىندا.
