قازاقستاندا ۆيرۋستاردى گەنەتيكالىق زەرتتەۋ جٷرگٸزٸلٸپ جاتىر. بۇل تۋرالى دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«مينيسترلٸك ۆيرۋستىڭ ەلگە كٸرگەن جاعدايى مەن مۋتاتسييالىق ٶزگەرۋٸنە مونيتورينگتٸ قامتاماسىز ەتۋ ٷشٸن تۇراقتى تٷردە ۆيرۋستاردى گەنەتيكالىق زەرتتەۋ جٷرگٸزٸلٸپ جاتىر», - دەدٸ الەكسەي تسوي مەجٸلٸستەگٸ ٷكٸمەت ساعاتىندا.
ونىڭ ايتۋىشا, 2020-2021 جىلدارى 1407 سىناما زەرتتەلدٸ. وسىنىڭ نەتيجەسٸندە ناۋرىزدا «بريتاندىق» Alpha شتامم, «وڭتٷستٸكافريكالىق» Beta شتامم, ماۋسىمدا «ٷندٸلٸك» Delta شتامم, تامىزدا «نيگەرييالىق» Eta شتامم انىقتالدى.
«SARS-CoV-2 ۆيرۋسىنىڭ تٷرلٸ نۇسقالارىنىڭ تارالۋىن انىقتاۋ مەن مونيتورينگٸلەۋ جۇمىستارى جالعاسىپ جاتىر», - دەدٸ مينيستر.
