Qazaqstanda virýstardy genetikalyq zertteý júrgizilip jatyr. Bul týraly Densaýlyq saqtaý ministri Aleksei Tsoi aitty, dep habarlaidy QazAqparat.
«Ministrlik virýstyń elge kirgen jaǵdaiy men mýtatsiialyq ózgerýine monitoringti qamtamasyz etý úshin turaqty túrde virýstardy genetikalyq zertteý júrgizilip jatyr», - dedi Aleksei Tsoi Májilistegi Úkimet saǵatynda.
Onyń aitýysha, 2020-2021 jyldary 1407 synama zertteldi. Osynyń nátijesinde naýryzda «britandyq» Alpha shtamm, «ońtústikafrikalyq» Beta shtamm, maýsymda «úndilik» Delta shtamm, tamyzda «nigeriialyq» Eta shtamm anyqtaldy.
«SARS-CoV-2 virýsynyń túrli nusqalarynyń taralýyn anyqtaý men monitoringileý jumystary jalǵasyp jatyr», - dedi ministr.
