30 تامىز كٷنٸ قازاقستاندا 134 Covid ٶلٸمٸ تٸركەلدٸ. بۇل تۋرالى دەنساۋلىق ساقتاۋ مينيسترلٸگٸ حابارلادى.
قايتىس بولعاندار اراسىندا 98 ادامنىڭ Covid جۇقتىرعانى پتر تەستٸمەن راستالعان (كۆي+). قالعان 36 ادامدا پتر تەرٸس نەتيجە كٶرسەتكەن, ولاردىڭ دياگنوزى اۋرۋ بەلگٸلەرٸ بويىنشا قويىلعان (كۆي-). سوڭعىسىن "كوۆيدتەكتەس پنەۆمونييا" دەپ اتاپ جٷر.
كۆي+ بويىنشا, الماتىدا 28 ادام, شىمكەنتتە 18 ادام كٶز جۇمعان. كۆي- بويىنشا, كٶش باسىندا جامبىل وبلىسى تۇر. وندا "كوۆيدتەكتەس پنەۆمونيياعا" شالدىققان 10 كٸسٸ قايتىس بولعان.
قازاقستاندا شٸلدەنٸڭ سوڭىنان بەرٸ كوروناۆيرۋستان كٷن سايىن جٷزدەن استام ادام قايتىس بولىپ جاتىر. دەنساۋلىق ساقتاۋ مينيسترلٸگٸ اۋرۋدىڭ بۇلاي ۋشىعۋىن العاش رەت ٷندٸستاندا انىقتالعان "دەلتا" ۆاريانتىنىڭ تاراۋىمەن بايلانىستىرادى.
بۇل ۆاريانت قازاقستاندا ماۋسىمنىڭ سوڭىندا تٸركەلگەن. جۇقپالىعى مەن قاۋپٸ جوعارى بۇل ۆاريانت كەلگەلٸ ناۋقاستار سانى كٷرت ارتتى. 27 شٸلدە مەن 21 تامىز ارالىعىندا كٷن سايىن 7-8 مىڭ ناۋقاس تٸركەلٸپ جٷردٸ.
شٸلدەنٸڭ باسىندا ٷكٸمەت قىزمەت كٶرسەتۋ سالاسىندا جۇمىس ٸستەيتٸندەردٸ ۆاكتسينا سالدىرۋعا مٸندەتتەدٸ. ولار ەكپەنٸڭ بٸرٸنشٸ دوزاسىن 10 تامىزعا دەيٸن, ەكٸنشٸسٸن 1 قىركٷيەككە دەيٸن الۋى كەرەك بولدى. ۆاكتسينا سالدىرعىسى كەلمەگەندەر, اپتا سايىن تەرٸس نەتيجەلٸ پتر انىقتاماسىن ٶتكٸزۋٸ مەجبٷر.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, 19 ميلليون حالقى بار قازاقستاندا 5,4 ميلليوننان استام ادام ۆاكتسينانى تولىق العان. بۇدان بٶلەك, 1,2 ميلليوننان استام ادام ەكپەنٸڭ ەكٸنشٸ دوزاسىن كٷتٸپ وتىر.
كەيٸنگٸ كٷندەرٸ Covid ناۋقاستارى بويىنشا تەۋلٸك كٶرسەتكٸشٸ تٶمەندەي باستاعانى بايقالادى. مەسەلەن, 31 تامىز كٷنٸ كوروناۆيرۋس بار بولعانى 4320 ادامنىڭ اناليزٸنەن انىقتالعان.
ٸندەت باستالعالى ەلدە بارلىعى 794 مىڭعا جۋىق ادامنىڭ Covid جۇقتىرعانى پتر تەستٸمەن راستالعان. ونىڭ 9402-سٸ اۋرۋدان ايىعا الماي, قايتىس بولعان. بٸراق بيلٸك بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن 2633 ادامدى قوسپاي وتىر.
ٷكٸمەت "كوۆيدتەكتەس پنەۆمونييا" ەسەبٸن جٷرگٸزۋدٸ بىلتىر 1 تامىزدا باستاعان. سودان بەرٸ پنەۆمونييانىڭ بۇل تٷرٸ 69 790 ادامنان انىقتالعان, ونىڭ 4464-ٸ قايتىس بولعان.
1 قىركٷيەكتەگٸ مەلٸمەت بويىنشا, ەلدە 110 420 ادام كوروناۆيرۋس ينفەكتسيياسىنان (–103 553+ جەنە 6 867 كۆي-) ەمدەلٸپ جاتىر.
ولاردىڭ ٸشٸندە 23 744 پاتسيەنت ستاتسيوناردا, 86 676 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 704 ادامنىڭ جاعدايى اۋىر,
• 493 پاتسيەنتتٸڭ جاعدايى ٶتە اۋىر,
241 ناۋقاس ٶجج اپپاراتىندا جاتىر.
سونداي-اق, بٷگٸنگە دەيٸن قازاقستاندا كوروناۆيرۋس ينفەكتسيياسىنا قارسى ۆاكتسينانىڭ 1-شٸ كومپونەنتٸن - 6 669 969, 2-شٸ كومپونەنتٸن 5 438 316 ادام سالدىرعان.
